شىعىس قازاقستان ناۋرىز مەرەكەسىن اتاپ وتۋدە

Dalanews 22 ناۋ. 2017 08:52 381

شىعىس قازاقستان وبلىسى ۇلىستىڭ ۇلى كۇنى ناۋرىز مەرەكەسىن اتاپ وتۋدە. ايتۋلى مەرەكەدە وسكەمەن قالاسىنىڭ وزىندە عانا 200-دەن استام شارا ءوتىپ، ورتالىق الاڭدا 40-تان اسا كيىز ءۇي تىگىلدى.

«قوش كەلدىڭ، ءاز ناۋرىز» اتتى كورىنىستەن باستالعان شارا كونسەرتتىك باعدارلامامەن جالعاسىن تاپتى. قالالىقتارعا تانىمال ەستادا جۇلدىزدارى «دەرۆيشي»، «كليماندجارو» توپتارى ونەر كورسەتسە، بەلگىلى سيرك ونەرىنىڭ مايتالماندارى مۇتىرعانوۆتار اۋلەتى وسكەمەندىكتەرگە جاڭا مەرەكەلىك باعدارلاماسىن پاش ەتپەك.

سونداي-اق، جىلداعى داستۇرگە اينالعان «پالاۋ فەستيۆالى»، «ۇزدىك كيىز ءۇي» بايقاۋلارى جاريالانسا، سپورتسۇيەر قاۋىم اسىق اتۋ، گىر كوتەرۋ، قازاقشا كۇرەس، سىندى ۇلتتىق سپورت تۇرلەرىنەن سايىستارعا قاتىسىپ، باعىن سىناماق.

مەرەكەلىك كونسەرت كەشكى بي كەشىمەن جالعاسىن تاپپاق. قالا جاستارىن مەرەكەسىمەن «فورمات» توبى قۇتتىقتاپ، ءان-شاشۋىن پاش ەتپەك.

ۇسىنىلعان
سوڭعى جاڭالىقتار