شەتپەلٸك سپورتشىلار توپ جاردى
18-21 اقپان ارالىعىندا اقتٶبە قالاسىندا دزيۋدان قازاقستان چەميپوناتىندا شەتپەلٸك قوس سپورتشى جەڭٸمپاز اتاندى, – دەپ Dalanews.kz حابارلايدى ماڭعىستاۋ اۋدانى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ولار شوقىر بٶلتەكۇلى اتىنداعى سپورت مەكتەبٸنٸڭ شەكٸرتتەرٸ دزيۋدوشى قانات ەبٸتۇلى مەن گٸر سپورتىنان ٶنەر كٶرسەتكەن بٷركٸتباي دارحان.
ەل بٸرٸنشٸلٸگٸندە قارسىلاستارىن باسىپ وزعان ماڭعىستاۋلىق سپورتشىلار قانات ەبٸتۇلى مەن دارحان بٷركٸتباي كەسٸبيلٸگٸمەن قاتار تەحنيكالىق شەبەرلٸكتەرٸن دە پاش ەتتٸ.
اقتٶبە قالاسىندا ٶتكەن قازاقستان رەسپۋبليكاسىنىڭ چەمپيوناتىندا گٸر سپورتىنىڭ ۇزىن تسيكلى بويىنشا جەڭٸس تۇعىرىنان كٶرٸنگەن 73 كەلٸ سالماقتاعى دارحاننىڭ باپكەرٸ نارتاي التىباەۆ بولسا, قاناتتى دزيۋدو سپورتىنا جاستايىنان باۋلىعان جاتتىقتىرۋشىسى جانعالي نۇردەۋلەتوۆ.
ايتا كەتەيٸك, بايراقتى بەسەكەدە ٶڭٸر نامىسىن قورعاعان شەتپەلٸك جاس سپورتشىلار جىل سايىن وبلىستىق, رەسپۋبليكالىق جارىستارعا قاتىسىپ, بٸرنەشە مەرتە جەڭٸمپاز اتانىپ جٷر.
