قانداي اۆتوكولىكتەر زاڭداستىرۋعا جاتادى؟
قازاقستان ازاماتتارى سىرتتان اكەلگەن شەتەلدىك ەسەپتەگى جەڭىل اۆتوكولىكتەر، شاعىن، ورتا سىيىمدىلىقتاعى اۆتوبۋستار، شاعىن جۇك كولىكتەر، باسقارۋى وڭ جاقتاعى اۆتوكولىكتەر
زاڭداستىرۋ ءۇشىن تالاپ ەتىلەتىن ەرەجەلەر
اۆتوكولىك قازاقستانعا 2022 جىلدىڭ 1 قىركۇيەگىنە دەيىن اكەلىنگەن بولۋى كەرەك؛ كريمينالدىق ەسەپتە بولماۋى كەرەك؛ باسقا مەملەكەتتە بۇرىنعى تىركەلگەن جەرى بويىنشا ەسەپتەن شىعارىلۋى ءتيىس؛ ەۋرازيالىق ەكونوميكالىق وداققا كىرمەيتىن ەلدەردەن اكەلىنگەن اۆتوكولىك كەدەندىك تازارتۋدان ءوتۋى قاجەت. ءوتىنىم بەرۋ 2023 جىلدىڭ 1 شىلدەسىنە دەيىن جالعاسادى.
ءوتىنىم بەرۋ جولدارى
ە-gov.kz ەلەكتروندى ۇكىمەت پورتالى ارقىلى؛ ەكىنشى دەڭگەيلى بانكتەردىڭ قوسىمشالارى ارقىلى؛ حقكو-نىڭ “وز-وزىنە قىزمەت كورسەتۋ سەكتورى” ارقىلى.
اۆتوكولىكتى زاڭداستىرۋ ءۇشىن قاجەت قۇجاتتار ءوتىنىمى
ءوتىنىم بەرۋشىنىڭ جەكە باسىن كۋالاندىراتىن قۇجات؛ كولىك قۇرالىنىڭ پاسپورتى نەمەسە تىركەۋ تۋرالى كۋالىك؛ كولىك قۇرالىنا مەنشىك قۇقىعىن راستايتىن قۇجات بولۋى شارت.
ناتيجەسى ارنايى بازاعا تىركەلەدى جانە كولىك يەسىنىڭ تەلەفونىنا 1414 نومىرىنەن SMS جىبەرىلەدى. وندا قابىلدانعان شەشىم ناقتى جازىلادى.
زاڭداستىرۋعا رۇقسات ەتىلسە، مەملەكەتتىك الىمدار تولەۋ قاجەت.
العاشقى تىركەۋ ءۇشىن – 200 000 تەڭگە؛ تەحپاسپورت ءۇشىن مەملەكەتتىك باج – 4 313 تەڭگە؛ مەملەكەتتىك ءنومىر – 9 660 تەڭگە.
ودان سوڭ كولىك يەسى شەتەلدىك تەحپاسپورت، مەنشىك قۇقىعىن راستايتىن قۇجاتتى حقكو ماماندارىنا تاپسىرادى.
تىركەۋ بەكىتىلگەننەن كەيىن اۆتوكولىك يەسىنە ق ر تىركەۋ قۇجاتى، مەملەكەتتىك ءنومىر بەرىلەدى.
https://www.youtube.com/watch؟v=pZAztcpwcEA
