بٷگٸن مەجٸلٸس وتىرىسىندا دەپۋتات جارقىنبەك امانتايۇلى توسىن مەلٸمدەمە جاسادى, دەپ حابارلايدى Dalanews.kz.
ونىڭ ايتۋىنشا, قازٸر حالىقارالىق قاتىناستار جٷيەسٸندە گەوساياسي, گەوەكونوميكالىق شيەلەنٸس كٷشەيە تٷسكەن, مەملەكەتتەر اراسىنداعى سانكتسييا شەكتەۋٸ ۇلعايۋى, ەسكەري-ساياسي تەكەتٸرەس جيٸلەۋٸ ەلەمدٸك قاۋٸپسٸزدٸك ارحيتەكتۋراسىنا ايتارلىقتاي ەسەر ەتٸپ وتىر.
"وسىنداي كٷردەلٸ جاعدايدا تٷرلٸ تاراپتار قارۋلى قاقتىعىسقا ادام تارتۋ ٷشٸن جالداۋ, الداۋ, ٷگٸتتەۋ تەسٸلٸن بەلسەندٸ قولدانىپ جاتىر. ٶكٸنٸشكە قاراي, مۇنداي ىقپالعا تٷسكەن وتانداستارىمىزدىڭ سانى ارتىپ بارادى", - دەدٸ دەپۋتات.
جارقىنبەك امانتايۇلى مىناداي دەرەك كەلتٸردٸ: قىلمىستىق كودەكستٸڭ 172-بابى بويىنشا (شەتەلدٸك قارۋلى قاقتىعىستارعا قاتىسۋ) تٸركەلگەن قىلمىستىق ٸستەر سانى جىل سايىن ٶسٸپ جاتىر, 2023 جىلى 23 ٸس, 2024 جىلى 36 ٸس, 2025 جىلى 141 ٸس تٸركەلگەن. 2025 جىلى تٸركەلگەن ٸستەر بويىنشا 26 ادام سوتتالعان.
"حالىقارالىق تەجٸريبەگە نازار اۋدارساق, بٸرقاتار مەملەكەت ٶز ازاماتتارى شەتەلدٸڭ رەسمي قارۋلى كٷشتەرٸ قۇرامىندا ۇرىس قيمىلىنا قاتىسۋىن قىلمىس رەتٸندە قاراستىرمايدى. قاتاڭ جاۋاپكەرشٸلٸك نەگٸزٸنەن تەرروريستٸك ۇيىمدار قاتارىنا قوسىلعاندارعا, ەسكەري قىلمىس جاساعاندارعا نەمەسە ٶز مەملەكەتٸنٸڭ ۇلتتىق مٷددەسٸنە قارسى ەرەكەت ەتكەندەرگە قولدانىلادى. ەرينە, قارۋلى قاقتىعىس ايماعىنا ەشكٸم اجال ٸزدەپ, سەبەپسٸز بارمايدى. بٸرٸ ەلەۋمەتتٸك قيىندىق سالدارىنان, بٸرٸ اداسۋ نەمەسە الدانۋ ارقىلى, ەندٸ بٸرٸ مەجبٷرلەۋ جاعدايىندا بارۋى مٷمكٸن. وسىنداي جاعدايعا تاپ بولعانداردىڭ دەنٸ تابىستى جۇمىس تابامىز دەگەن ٷمٸتتٸڭ جەتەگٸندە جٷرٸپ, ۇرىنىپ قالعانىن ايتادى. قۇرىققا ٸلٸنگەنٸن تٷسٸنگەن شاقتا شەگٸنەرگە جەر جوق, شاراسىز جات ەلدٸڭ قاندى مايدانىنىڭ قاتىسۋشىسىنا اينالادى. ارتتا اڭىراپ اتا-انا, ەڭٸرەپ وتباسى مەن جاقىندارى قالادى. الايدا ٶز ٸسٸنە ٶكٸنٸپ, ەلگە ورالۋعا نيەت بٸلدٸرگەن ازاماتتار ٷشٸن قازٸرگٸ زاڭناماداعى قاتاڭ سانكتسييا ەلەۋلٸ توسقاۋىل بولىپ وتىر. تەۋبەسٸنە كەلٸپ, وتانعا ورالعان ازاماتتىڭ ۇزاق مەرزٸمگە باس بوستاندىعىنان ايىرىلۋى ونىڭ تولىق قايتا ەلەۋمەتتەنۋٸنە كەرٸ ەسەر ەتۋٸ مٷمكٸن", - دەدٸ ول.
دەپۋتاتتىڭ پٸكٸرٸنشە, سوتتالعاندار اراسىندا رەسەي ازاماتتىعىن العاندارى دا بار.
"جۋىردا 6 جىلعا باس بوستاندىعىنان ايىرىلعان ەۆگەنيي ليۋفت سول ەلدٸڭ ازاماتى بولعان دەگەن ەڭگٸمە بار. وسى رەتتە حالىقارالىق تەجٸريبەنٸ جەنە ۇلتتىق قاۋٸپسٸزدٸك مٷددەسٸن ەسكەرٸپ, تەرروريستٸك ۇيىمدار قۇرامىندا بولماعان جەنە ەسكەري قىلمىس جاساماعان ازاماتتارعا قاتىستى قىلمىستىق ساياساتتى ٸزگٸلەندٸرۋ مەسەلەسٸن قاراستىرۋ ورىندى دەپ سانايمىز. بٸلمەستٸكپەن بٸر سٷرٸنگەن ازاماتتارىمىزدى ەلدەن ەرەك قاتاڭ جازاعا تارتۋ قانشالىق ورىندى?!" - دەگەن ساۋال قويدى ول.
