بۇرىن تەرروريزمدٸ ناسيحاتتاعانى جەنە باسقا دا قىلمىستارى ٷشٸن قاماۋعا الىنعان ەكٸ قر ازاماتىنا قاتىستى سوت پروتسەستەرٸ اياقتالدى, - دەپ حابارلايدى Dalanews.kz.
سولاردىڭ بٸرٸ – تاراز تۇرعىنى, اينالاسىنداعىلاردى شەتەلدەگٸ لاڭكەستەر قاتارىندا سوعىس ەرەكەتتەرٸنە قاتىسۋعا شاقىرىپ, سونىمەن قاتار ٶزٸ دە ولارعا قوسىلۋدى جوسپارلاعان.
تاراز قالالىق سوتىنىڭ شەشٸمٸمەن ول تەرروريزمدٸ ناسيحاتتاعانى (قك-نٸڭ 256-بابى), دٸني ارازدىقتى قوزدىرعانى ٷشٸن (قك-نٸڭ 174-بابى) كٸنەلٸ دەپ تانىلىپ, 7 جىلعا باس بوستاندىعىنان ايىرىلدى.
تاعى بٸرەۋٸ – الماتى تۇرعىنى, جالپى قىلمىستار ٷشٸن بٸرنەشە رەت سوتتىلى بولعان, عالامتور جەلٸسٸندە راديكالدى يدەولوگييانى ناسيحاتتاعان.
الماتى قالالىق سوتىنىڭ شەشٸمٸمەن ول تەرروريزمدٸ ناسيحاتتاعانى (قك-نٸڭ 256-بابى), ەسٸرتكٸنٸ زاڭسىز پايدالانعانى ٷشٸن (قك-نٸڭ 296-بابى) كٸنەلٸ دەپ تانىلىپ, 7 جىل 1 ايعا باس بوستاندىعىنان ايىرىلدى.
ايتا كەتەيٸك, 2024 جىل باسىنان تەرروريستٸك جەنە ەكسترەميستٸك ەرەكەتتەرٸ ٷشٸن 84 ادام سوتتالعان.
