تالعارداعى قاندى وقيعا كەزىندە قازا تاپقان شەرزات بولاتتىڭ ولىمىنە كۇدىكتى رەتىندە اۋىر ايىپ تەك ەكى ادامعا تاعىلعان، دەپ حابارلايدى Dalanews.kz.
بۇل تۋرالى ادۆوكات مەيىرمان شەكەيەۆ حابارلادى.
"ەكى كۇدىكتىگە: شىناسىل ابزال مەن ساكەيەۆ راۆيلگە ايىپ تاعىلىپ وتىر. قالعان جەتى كۇدىكتىنىڭ ءىسى “بۇزاقىلىق” بابىمەن قارالادى. مەملەكەتتىك ايىپتاۋشىنىڭ ايتقانى سول. ول ءىس ماتەريالدارىمەن ۇيلەسەدى دەپ ويلايمىز. ءبىز، جابىرلەنۋشى تاراپ ونىمەن كەلىسپەيمىز. ءبىراق ول مەملەكەتتىك ايىپتاۋ اكتىسى"، دەيدى شەكەيەۆ.
ەسكە سالايىق، بۇگىن تالدىقورعاندا شەرزات ءىسى بويىنشا الدىن الا سوت تىڭداۋى ءوتتى.
“سوت وتىرىسىنا قاتىسۋشىلاردىڭ پىكىرلەرىن ەسكەرە وتىرىپ، سوت بۇل ءىس بويىنشا سوت تالقىلاۋىن اشىق رەجيمدە وتكىزۋ تۋرالى شەشىم قابىلدادى”، — دەدى جوعارعى سوت.
ترانسلياسيا جوعارعى سوتتىڭ YouTube ارناسىندا ءوتتى.
ايتا كەتەيىك، بۇعان دەيىن جوعارعى سوت شەرزات بولات ءىسى بويىنشا سوت وتىرىسى نەلىكتەن جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا وتەتىنىن تۇسىندىرگەن ەدى.
“ايىپ تاعىلعان توعىز ادام تالدىقورعانداعى تەرگەۋ يزولياتورىندا قاماۋدا وتىر. سوعان بايلانىستى سوت وتىرىسى جەتىسۋ وبلىسىندا وتەدى”، — دەدى ولار.
سونىمەن قاتار، شەرزات بولات تاراپىنىڭ ادۆوكاتى مەيىرمان شەكەيەۆ بۇگىنگى سوت وتىرىسىندا وقىلعان ايىپتاۋ اكتىنە قاتىستى ويىن ايتتى.
