قازاقستان رەسپۋبليكاسى ٸشكٸ ٸستەر مينيسترٸ ەرجان سەدەنوۆ شەرزات بولاتتىڭ ٶلٸمٸنە قاتىستى قىلمىستىق ٸس بويىنشا كٷدٸكتٸلەردٸڭ تۋعان كٷندٸ اتاپ ٶتۋٸ تۋرالى پٸكٸر بٸلدٸردٸ, دەپ حابارلايدى Dalanews.kz.
“شەرزات ب.-عا قاتىستى ٸستە قامتىلعان, كٷدٸكتٸلەردٸ ۇستاۋ جاعدايلارىنا بايلانىستى جولدانعان ٶتٸنٸشتە كٶرسەتٸلگەن دەرەكتەر بويىنشا قىزمەتتٸك تەرگەۋ جٷرگٸزٸلدٸ. نەتيجەسٸندە كٸنەلٸ التى قىزمەتكەر تەرتٸپتٸك جاۋاپكەرشٸلٸككە تارتىلدى”, — دەدٸ مينيستر سادەنوۆ مەجٸلٸس دەپۋتاتى ماكسات تولىقبايدىڭ ساۋالىنا جاۋاپ بەرە وتىرىپ.
ايتا كەتەيٸك, شەرزاتتىڭ ٶلٸمٸنە قاتىسى بار دەگەن كٷدٸكتٸلەردٸڭ يزولياتوردا تۋعان كٷن تويلاعان ۆيدەوسى ەلەۋمەتتٸك جەلٸلەردە تاراپ كەتكەن ەدٸ.
بۇل جاعداي قوعامدا تاعى دا رەزونانس تۋعىزدى. ارتىنشا الماتى وبلىسىنىڭ پوليتسييا دەپارتامەنتٸ مەن-جايدى تٷسٸندٸردٸ.
"ۋاقىتشا ۇستاۋ يزولياتورىنان بٸر تۇتقىننىڭ تۋعان كٷنٸن اتاپ ٶتۋٸ بەينەلەنگەن ۆيدەونىڭ تارالۋ فاكتٸسٸ بويىنشا جان-جاقتى تەكسەرۋ جٷرگٸزٸلۋدە. بارلىق كٸنەلٸ تۇلعالار, سونىڭ ٸشٸندە باسشىلىق تا, قاتاڭ جاۋاپكەرشٸلٸككە تارتىلادى. تەرگەۋ بارىسى ەرەكشە باقىلاۋعا الىندى. وسى قۇقىق بۇزۋشىلىققا ىقپال ەتكەن سەبەپتەر مەن جاعدايلاردى جويۋ بويىنشا شارالار قابىلداندى", — دەپ مەلٸمدەدٸ پوليتسييا.
كەيٸن شەرزات بولاتتىڭ ٸسٸ بويىنشا كٷدٸكتٸلەردەن ۇيالى تەلەفون, اليسا قۇرىلعىسى تەركٸلەنگەن. بۇل تۋرالى جەبٸرلەنۋشٸ تاراپتىڭ ادۆوكاتى مەلٸمدەدٸ.
ادۆوكاتتار قۇقىق قورعاۋ ورگاندارىنا سۇراۋ جٸبەرگەن. جەلٸدە تاراعان وقيعا ەڭبەكشٸقازاق اۋدانىنداعى ۋاقىتشا ۇستاۋ يزولياتورىندا بولعان.
ادۆوكات ەرلان اداەۆتىڭ سٶزٸنشە, بۇل جاعداي بويىنشا قۇزىرلى ورگانداردان تولىق اقپارات سۇراتقان.
"ەڭبەكشٸ قازاق اۋدانىنداعى لاۋازىمدى تۇلعالارعا قاتىستى قىزمەتتٸك تەكسەرٸس اياقتالدى. قورىتىندى الماتى وبلىسىسىڭ پوليتسييا دەپارتامەنتٸنە جٸبەرٸلدٸ. ٸسكە قاتىستى لاۋازىمدى تۇلعالاردىڭ بەرٸ دە انىقتالدى. ولار تەرتٸپتٸك كوميسسييا شەشٸمٸمەن جازاعا تارتىلادى. تەرگەۋ يزولياتورىندا قولدانىلعان زاڭسىز زاتتاردىڭ بەرٸ – موبيلدٸ تەلەفون, ياندەكس-كولونكا تەركٸلەنٸپ, قىزمەتتٸك تەرگەۋ ماتەرتالدارىنا تٸركەلدٸ. بەينەباقىلاۋ كامەرالارىنىڭ جازبالارى زەرتتەلدٸ", – دەگەن ول.
رەسمي دەرەككە سٷيەنسەك, بەينەجازبانى بۇرىنعى يزولياتور قىزمەتكەرٸ جەكە تەلەفونىنا تٷسٸرگەن كٶرٸنەدٸ. ول قىزمەتتٸك تەرتٸپتٸ ٶرەسكەل بۇزعانى ٷشٸن جۇمىسىنان بوساتىلىپ, ارنايى اتاعىنان ايىرىلدى. سونىمەن قاتار بۇل وقيعاعا بايلانىستى قىلمىستىق ٸس قوزعالدى.
مينيسترلٸكتٸڭ مەلٸمەتٸنشە, 16 قىزمەتكەر تەرتٸپتٸك جاۋاپكەرشٸلٸككە تارتىلىپ, قىزمەتٸنەن قۋىلدى. ولاردىڭ قاتارىندا يزولياتور باستىعى دا بار.
ەسكە سالايىق, 2024 جىلى 4 قازاندا تالعاردا 16 جاستاعى جاسٶسپٸرٸم شەرزات بولات قازا تاپتى. اراعا بٸراز ۋاقىت سالىپ شەرزاتتىڭ اعۆسى نۇرقانات عايىپباەۆ تا ٶلٸ تابىلدى.
