"سەزدە شاۆكات ميرزيايەۆ كانديداتۋراسى ءبىراۋىزدان ماقۇلداندى"، – دەدى اقپارات اگەنتتىگىنە پارتيا وكىلى. ونىڭ ايتۋىنشا، جاقىن كۇندەرى پارتيا ورتالىق سايلاۋ كوميسسياسىنا ۇمىتكەر تۋرالى ماعلۇمات وتكىزۋى كەرەك.
زاڭعا سايكەس، پرەزيدەنتتىككە ۇمىتكەرلەردى تىركەۋ ءۇشىن پارتيالار وسك-گە وزبەكستانداعى بارلىق سايلاۋشىلاردىڭ كەم دەگەندە 1 پايىزىنىڭ (214،35 مىڭ ادام) قولى قويىلعان قاعازدارىن تاپسىرۋى ءتيىس. پرەزيدەنت قىزمەتىنە ۇمىتكەرلەردى تىركەۋ 30 قازاندا اياقتالادى.
وسك 23 قىركۇيەكتە ەلدە تىركەلگەن ءتورت پارتياعا وزبەكستان پرەزيدەنتىن سايلاۋعا قاتىسۋعا رۇقسات بەردى.
وتكەن اپتادا ۇلتتىق دەموكراتيالىق "ميلليي تيكلانيش" ("ۇلتتىق قايتا وركەندەۋ") پارتياسى سەزىندە پارلامەنتتىڭ تومەنگى پالاتاسى سپيكەرىنىڭ ورىنباسارى سارۆار وتامۋرادوۆتى ۇمىتكەر رەتىندە بەكىتتى. وزبەكستاننىڭ حالىقتىق-دەموكراتيالىق پارتياسى اتىنان حوتامجون كەتمونوۆ ۇمىتكەر اتانسا، "ادولات" سوسيال-دەموكراتيالىق پارتياسى اتىنان ناريمون ۋماروۆ بەكىتىلدى.
وزبەكستانداعى پرەزيدەنت سايلاۋى 4 جەلتوقساندا وتەدى.
