جارىستىڭ اشىلۋ سالتاناتىندا ءسوز العان شاردارا اۋدان اكىمىنىڭ ورىنباسارى باۋىرجان شومپييەۆ، قول كۇرەسىنەن كىشكەنە عانا شاردارادان كوپتەگەن الەمدى باعىندىرعان چەمپيوندار بار ەكەنىن ماقتانىشپەن ايتاتىنىن جانە «شاردارا ارمسپورت» سپورتكلۋبىنىڭ نەگىزىن قالاعان ۇلاعاتتى ۇستازىمىز ارمان قارسىبايەۆقا العىسىن ءبىلدىردى.
سونىمەن قاتار جارىسقا قاتىسۋشىلارعا ساتتىلىك تىلەپ، جارىستى اشىق دەپ جاريالادى.
ايتۋلى دوداعا وبلىسىمىزدىڭ تۇكپىر-تۇكپىرىنەن جانە شىمكەنت قالاسىنان كەلگەن قۇراما كوماندالار قاتىستى. ارمرەستلينگتەن ەرەسەكتەر اراسىندا 60 كەلى سالماقتا I ورىندى ءابساتتار داۋرەن يەلەنسە، II ورىن نۇرماحان ەرداۋلەتكە بۇيىردى، III ورىندى رۇستەمبەك جارىلقاسىن جەڭىپ 60 كەلى سالماق دارەجەسى مارەسىنە جەتتى.
70 كەلى سالماقتى رۇستەمبەك تالعاتبەك بارشا قارسىلاستارىنان باسىم ءتۇسىپ I ورىن السا، II ورىندى ايدارحان نۇرداۋلەت قانجىعاسىنا بايلادى، III ورىن وسەرباي قىدرعا بۇيىردى، 80 كەلى سالماق دارەجەسىندە I ورىن شامييەۆ ماعجان، II ورىن اقتايەۆ تالعات، III ورىن شامييەۆ قايىرحان سىندى سپورتشىلارعا بۇيىردى، +80 كەلى سالماقتا I ورىندى وڭعاربايەۆ قىدىرعالي باعىندىرسا، II ورىندى مۇحانبەتوۆ رىسداۋلەت قاناعات تۇتتى، III ورىن قارسىبايەۆ عالىمجاننىڭ قورجىنىندا كەتتى.
تاۋەلسىز ەلىمىزدىڭ ءتول مەرەكەسىنە وراي ۇيىمداستىرىلعان جارىستا جەڭىسكە جەتكەن سپورتشىلارىمىزعا ارنايى دايىنداعان ديپلومدار مەن مەدال جانە سىي-سياپاتتار تابىستادى.
