ناۋرىزناما ونكٷندٸگٸ اياسىندا TAS GROUP كومپانيياسىندا ۇلتتىق قۇندىلىقتاردى دەرٸپتەۋگە باعىتتالعان تاعىلىمدى ٸس-شارالار ۇيىمداستىرىلۋدا. سونىڭ بٸرٸ – شاڭىراق كٷنٸ قارساڭىندا باس كەڭسەدە ٶتكەن ۇلتتىق ويىندار سايىسى, دەپ حابارلايدى Dalanews.kz.
اتالعان ٸس-شارانىڭ باستى ماقساتى – قىزمەتكەرلەر اراسىندا ۇلتتىق مۇرانى ناسيحاتتاۋ, دەستٷرلٸ ويىندارعا دەگەن قىزىعۋشىلىقتى ارتتىرۋ جەنە ۇجىمدىق بٸرلٸكتٸ نىعايتۋ. سايىس بارىسىندا اسىق اتۋ, لەڭگٸ تەبۋ جەنە توعىزقۇمالاق سىندى ۇلتتىق ويىن تٷرلەرٸ بويىنشا تارتىستى بەسەكەلەر ٶتتٸ.
ەسٸرەسە, توعىزقۇمالاق ويىنىنا دەگەن قىزىعۋشىلىق ەرەكشە جوعارى بولدى. ٸس-شاراعا ارنايى توعىزقۇمالاق فەدەراتسيياسىنىڭ ماماندارى شاقىرىلىپ, ولار قاتىسۋشىلارعا شەبەرلٸك ساعاتىن ٶتكٸزٸپ, ويىننىڭ قىر-سىرىن جان-جاقتى تٷسٸندٸردٸ. تەورييالىق بٸلٸم تەجٸريبەمەن ۇشتاسىپ, كەيٸن شاعىن تۋرنير ۇيىمداستىرىلدى. قاتىسۋشىلاردىڭ بەلسەندٸلٸگٸ سونشالىق, جاتتىقتىرۋشىلار الىپ كەلگەن 10 ويىن تاقتاسى دا جەتپەي قالدى. بۇل – قىزمەتكەرلەردٸڭ ۇلتتىق ويىندارعا دەگەن ىقىلاسى مەن قىزىعۋشىلىعىنىڭ ايقىن كٶرٸنٸسٸ.
ۇلتتىق ويىندار – حالقىمىزدىڭ مەدەني مۇراسىنىڭ اجىراماس بٶلٸگٸ. ولار تەك ويىن-ساۋىق قانا ەمەس, سونىمەن قاتار ەپتٸلٸككە, ويلاۋ قابٸلەتٸنە, شىدامدىلىق پەن شاپشاڭدىققا باۋليتىن ماڭىزدى قۇرال. وسىنداي ٸس-شارالار ارقىلى ۇلتتىق قۇندىلىقتار جاڭعىرىپ, ۇرپاقتان ۇرپاققا جالعاسادى.
كومپانييانىڭ باس ديرەكتورى دۋلات تاستەكەي بۇل باستامانىڭ ماڭىزدىلىعىنا توقتالدى.
«ۇلتتىق ويىندار – بٸزدٸڭ تاريحىمىز بەن بولمىسىمىزدىڭ بٸر بٶلٸگٸ. ولاردى جاڭعىرتۋ ارقىلى بٸز تەك دەستٷردٸ ساقتاپ قانا قويماي, ۇجىم ٸشٸندەگٸ ىنتىماقتى نىعايتامىز. قىزمەتكەرلەرٸمٸزدٸڭ بەلسەندٸلٸگٸ – وسى باعىتتاعى جۇمىستىڭ نەتيجەلٸ ەكەنٸن كٶرسەتەدٸ», – دەدٸ ول.
اتالعان ٸس-شارا ۇجىم ٸشٸندە ەرەكشە سەرپٸن بەرٸپ, ەرٸپتەستەر اراسىندا دوستىق قارىم-قاتىناستى نىعايتا تٷستٸ. ۇلتتىق ويىندارعا دەگەن قىزىعۋشىلىقتىڭ ارتۋى – رۋحاني قۇندىلىقتارعا دەگەن قۇرمەتتٸڭ بەلگٸسٸ.
الداعى ۋاقىتتا دا ناۋرىزناما اياسىنداعى وسىنداي مازمۇندى شارالار TAS GROUP كومپانيياسىندا جالعاسىن تاۋىپ, ۇلتتىق مۇرامىزدى دەرٸپتەۋگە ٶز ٷلەسٸن قوسا بەرمەك.
