كٶك جايلاۋدىڭ تٶرەسٸ, جەلماياسىنا مٸنٸپ جاھاندى كەزگەن اسانقايعىنىڭ ارمانىنداعى جەرۇيىق مەكەن – شالكٶدە جايلاۋىنىڭ تٶرٸندە قازاقتىڭ ۇلتتىق قۇندىلىقتارى جاڭعىرتىلىپ, ۇزاق جىلدار بويى ۇلىقتالماي ۇمىت بولىپ بارا جاتقان شوپاندار تويى دٷركٸرەتٸپ اتالىپ ٶتٸلدٸ, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
كٶشپەندٸ ەلدٸڭ ۇلتتىق مەدەنيەتٸ ۇلىقتالىپ, ۇلتىمىزدىڭ سالت-دەستٷرٸ مەن ٶنەرٸ, اس مەزٸرٸ مەن دالا سپورتى دەرٸپتەلەتٸن, جالپى ۇلتتىق بولمىسىمىز ناسيحاتتالدى!
قاسيەتتٸ قارادالانى مەكەن ەتكەن ۇيعىر اۋدانى اۋىلشارۋاشىلىعى مەن مال شارۋاشىلىعىنا بەيٸمدەلگەن اۋدان. شارادا اۋدان ەكٸمٸ بوتا سەرٸكقىزى تٶرت تٷلٸگٸن تٷگەندەپ, تٶرت قۇبىلاسىن تەڭەستٸرگەن مال شارۋاشىلىعىنىڭ ناعىز مايتالماندارى مالشىلار قاۋىمىنىڭ مەرەكەسٸمەن قۇتتىقتاپ, مال باعۋ مەن مال باسىن كٶبەيتۋدە وزىق ەڭبەك ەتٸپ, جەتٸستٸكتەرگە جەتكەن بٸرقاتار اۋىل مالشىلارىن ارنايى ماراپاتتاپ, ماڭداي تەر مەن ادال ەڭبەكتەرٸن ەلەپ ەسكەرٸلدٸ.
قازاق كٷرەسٸنەن جاۋىرىنى جەر يٸسكەمەگەن پالۋاندار بوز كٸلەمدە باق سىناستى. ات قۇلاعىندا وينايتىن سپورتشىلار تەڭگە ٸلۋدەن سايىسقا تٷسسە, بٸلەكتٸ جٸگٸتتەر ات ٷستٸندە اۋدارىسپاقتان تاماشا ويىن كٶرسەتتٸ. قوشقار كٶتەرۋدەن دە بٸرقاتار جٸگٸتتەر جارىسقا تٷستٸ.
ساپ تٷزەي تٸگٸلگەن اقشاڭقان ٷيلەردە اس بەرٸلٸپ, بٸر-بٸرٸمەن ارقا-جارقا بولىسقان اقساقالدار مەن اق جاۋلىقتى انالار, ەزٸلٸ جاراسقان بوز بالا بويجەتكەندەر ناعىز تويدىڭ سەنٸن كٸرگٸزدٸ. الداعى جىلدارى اۋقىمى كەڭەيەتٸن ەستەن كەتپەس دٷبٸرلٸ توي بولدى.
