تاياۋدا عانا «يسلام مەملەكەتىنىڭ» سودىرلارى يراكتىڭ نيمرۋد قالاسىنداعى تاريحي جادىگەرلەردى تالقانداپ، جۇرتتىڭ زارەسىن العانى ەسىمىزدە. وسى وقيعادان كەيىن كۋۆەيتتەگى ءدىن ۋاعىزداۋشى يبراگيم ال-كەنداري مىسىرداعى سفينكستىڭ ءمۇسىنىن قۇلاتىپ، تالقانداۋ كەرەك دەپ ايدى اسپاننان شىعاردى.

ول مۇحامەد پايعامبار مەككەنى يسلام وركەنيەتىنىڭ التىن بەسىگىنە اينالدىرعاندا، ونداعى تاس مۇسىندەردى تالقانداعانىن ەسكە الىپ، پايعامباردىڭ بۇگىنگى ۇرپاقتارى مىسىرداعى پەرعاۋىندار داۋىرىندە سالىنعان تاس ەسكەرتكىشتەردى تالقانداۋى ءتيىس ەكەنىن ءمالىم ەتتى. وسىدان ءبىرشاما ۋاقىت بۇرىن «يسلام مەملەكەتىنىڭ» باسشىسى ءابۋ باكىر ءال-باعداتي سفينكس ەسكەرتكىشىن تالقانداپ، جەر بەتىنەن جويۋدى ءوزىنىڭ ءدىن الدىنداعى باستى پارىزى سانايتىنىن ايتقان ەدى. ەندى ونىڭ ءسوزىن كۋۆەيتتىڭ بىلدەي ءدىن ۋاعىزداۋشىسى قايتالاپ وتىر. مۇنى قالاي تۇسىنۋگە بولادى؟