بىلتىر اقىن سەرٸكزات دٷيسەنعازىنىڭ ۇلى ٶمٸردەن ٶتكەن ەدٸ. ارادا بٸر جىل ۋاقىت ٶتتٸ, ال سوت وتىرىسى ەلٸ جالعاسىپ جاتىر. اقىننىڭ ٶزٸ دە ەلەۋمەتتٸك جەلٸدەگٸ پاراقشاسىندا ۇلى مەرت بولعان جەردٸ كٶرسەتٸپ, ەلٸ كٷنگە دەيٸن سوت وتىرىسى ٶتٸپ جاتقانىن جەتكٸزدٸ, - دەپ حابارلايدى Dalanews.kz.
بٸر كٷن ٸشٸندە ون سوت وتىرىسى ٶتكەن. سونىڭ بٸرٸ قارالى وقيعا بولعان جەردە, ياعني ەلٸكتٸ پاركتە ٶتكٸزٸلگەن.
"ەليحانىمنىڭ سوڭعى كٶرگەن جەرٸ. وسى جەردە كٶشپەلٸ سوت وتىرىسى ٶتەدٸ. ارداقتى اعايىن, ەليحانىمنىڭ سوڭعى دەمٸ ٷزٸلگەن جەر. اناۋ تالعا سوعىلعان عوي. اينالايىن-اي دەسەيشٸ", - دەدٸ ول.
سەرٸكزات دٷيسەنعازىنىڭ سٶزٸنشە, كەلەسٸ تاراپ كٸنەسٸن مويىنداماي وتىر.
"ەلٸكتٸ دەگەن وسى مٸنە. ەشقايسىن ەلٸ جاپپاعان, اشىق تۇر بەرٸ. مويىندامايدى, شىمبۇلاقتا دا, باسقا جەردە دە سولاي دەيدٸ. سوتتىڭ الدىندا دا جاڭا داۋلاسىپ قالدىق. بٸزدە زاڭ دا, يمان دا - بەرٸ ٶتە ەلسٸز ەكەن. سونى بايقاپ وتىرمىن. بۇل جٸگٸتتەردە ەلٸ يمان جوق. ادام ٶلٸپ جاتسا دا, ورماندى قورشاۋعا بولمايدى دەپ داۋ شىعارىپ وتىر", - دەيدٸ اقىن.
ايتا كەتەيٸك, بۇعان دەيٸن اقىن سەرٸكزات دٷيسەنعازى ۇلى ەليحاننىڭ قازاسىنا بايلانىستى تەرگەۋ اياقتالعانىن مەلٸمدەدٸ.
2023 جىلى 2 قاڭتاردا ٶمٸردەن ٶتكەن ەليحاننىڭ قازاسىنا بايلانىستى ۇزاققا سوزىلعان تەرگەۋ جۇمىسىن اقمولا وبلىستىق ٸشكٸ ٸستەر باسقارماسىنىڭ تەرگەۋشٸلەرٸ 2023 جىلى قازاندا اياقتاعان.
سەرٸكزات دٷيسەنعازىنىڭ ايتۋىنشا, دەمالىس ايماعىنداعى قاۋٸپسٸزدٸك ٷشٸن بۇل مەكەمە جاۋاپ بەرمەيتٸن بولىپ شىققان.
