سەنات دەپۋتاتتارى بٸرٸككەن ۇلتتار ۇيىمىنىڭ مامانداندىرىلعان مەكەمەلەرٸنٸڭ ارتىقشىلىقتارى مەن يممۋنيتەتتەرٸ تۋرالى كونۆەنتسيياعا قاتىستى قازاقستاننىڭ بۇرىن ەنگٸزگەن ەسكەرتپەلەرٸ مەن مەلٸمدەمەلەرٸن الىپ تاستاۋ تۋرالى زاڭدى ماقۇلدادى, دەپ حابارلايدى dalanews.kz.
قۇجات مەملەكەت باسشىسىنىڭ قول قويۋىنا جٸبەرٸلدٸ.
سەناتتىڭ تٷسٸندٸرۋٸنشە, زاڭ قازاقستان ٷشٸن 1947 جىلعى 21 قاراشادا قابىلدانعان بۇۇ-نىڭ مامانداندىرىلعان مەكەمەلەردٸڭ ارتىقشىلىقتارى مەن يممۋنيتەتتەرٸ تۋرالى كونۆەنتسيياسىنىڭ تولىق كٶلەمدە كٷشٸنە ەنۋٸن قامتاماسىز ەتۋ ماقساتىندا ەزٸرلەنگەن.
اتالعان كونۆەنتسييانى قازاقستان 2020 جىلى راتيفيكاتسييالاعان بولاتىن. الايدا سول كەزدە ەل تاراپىنان بٸرقاتار ەسكەرتۋلەر مەن شەكتەۋلەر ەنگٸزٸلگەن. اتاپ ايتقاندا, بۇل ەسكەرتۋلەر بۇۇ مامانداندىرىلعان مەكەمەلەرٸندە جۇمىس ٸستەيتٸن قازاقستان ازاماتتارىنا بەرٸلەتٸن كەيبٸر ارتىقشىلىقتاردى شەكتەپ, سونداي-اق كەدەندٸك جەڭٸلدٸكتەردٸڭ قولدانىلۋ اياسىن تارىلتقان.
سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ قورىتىندىسىندا بۇل تۋرالى:
«كونۆەنتسييا 2020 جىلعى 21 مامىرداعى قازاقستان رەسپۋبليكاسىنىڭ زاڭىمەن بەلگٸلٸ بٸر ەسكەرتۋلەرمەن راتيفيكاتسييالانعان بولاتىن. ەسكەرتۋلەر بۇۇ مەكەمەلەرٸنٸڭ قىزمەتكەرلەرٸ بولىپ تابىلاتىن قازاقستان ازاماتتارىنىڭ ارتىقشىلىقتارىن شەكتەيدٸ, ال مەلٸمدەمە كونۆەنتسييادا كٶزدەلگەن كەدەندٸك جەڭٸلدٸكتەردٸڭ كٶلەمٸن ۇلتتىق زاڭناما شەڭبەرٸندە تارىلتادى», – دەپ كٶرسەتٸلگەن.
سەناتور امانگەلدٸ نۇعمانوۆتىڭ ايتۋىنشا, قازاقستان كونۆەنتسيياعا قوسىلعاننان كەيٸن بۇۇ جٷيەسٸندەگٸ مامانداندىرىلعان مەكەمەلەرمەن كونسۋلتاتسييالار جٷرگٸزٸلگەن.
نەتيجەسٸندە حالىقارالىق ۇيىمدار قازاقستان ەنگٸزگەن شەكتەۋلەر كونۆەنتسييانىڭ نەگٸزگٸ قاعيداتتارىنا ەسەر ەتەتٸنٸن مەلٸمدەگەن.
«ٶتكٸزٸلگەن كونسۋلتاتسييالار قورىتىندىسى بويىنشا مامانداندىرىلعان مەكەمەلەردٸڭ ەدەۋٸر بٶلٸگٸ بۇل ەسكەرتۋلەردٸڭ قولايلىلىعىنا كٷمەن كەلتٸردٸ. ولار اتالعان نورمالار مامانداندىرىلعان مەكەمەلەر لاۋازىمدى تۇلعالارىنىڭ مەرتەبەسٸنە, سونداي-اق بەرٸلەتٸن ارتىقشىلىقتار مەن يممۋنيتەتتەردٸڭ نەگٸزگٸ ەلەمەنتتەرٸنە قاتىستى ەكەنٸن اتاپ ٶتتٸ. وسىعان بايلانىستى بٸرٸككەن ۇلتتار ۇيىمىنىڭ قۇقىقتىق مەسەلەلەر جٶنٸندەگٸ باسقارماسى قازاقستان رەسپۋبليكاسىنا كونۆەنتسييانىڭ تولىق كٷشٸنە ەنۋٸن قامتاماسىز ەتۋ ٷشٸن اتالعان ەسكەرتۋلەر مەن مەلٸمدەمەلەردٸ قايتارىپ الۋ مەسەلەسٸن قاراستىرۋدى ۇسىندى», – دەدٸ سەناتور.
وسىعان بايلانىستى زاڭ جوباسىندا قازاقستاننىڭ كونۆەنتسييانىڭ VI بابىنداعى 19-بٶلٸمنٸڭ c), d) جەنە e) تارماقتارىنا قاتىستى ەنگٸزگەن ەسكەرتۋلەرٸن, سونداي-اق III باپتىڭ 9-بٶلٸمٸندەگٸ b) جەنە c) تارماقتارىنا قاتىستى جاساعان مەلٸمدەمەسٸن الىپ تاستاۋ كٶزدەلگەن.
سەناتورلاردىڭ ايتۋىنشا, بۇل شەشٸم قازاقستاننىڭ حالىقارالىق مٸندەتتەمەلەرٸن تولىق ورىنداۋىنا مٷمكٸندٸك بەرەدٸ.
«زاڭدى قابىلداۋ قازاقستان رەسپۋبليكاسىنىڭ كونۆەنتسيياعا تولىققاندى قاتىسۋى ٷشٸن قاجەتتٸ ٸشكٸ مەملەكەتتٸك رەسٸمدەردٸ اياقتاۋعا, ونىڭ ەرەجەلەرٸن تولىق كٶلەمدە قولدانۋدى قامتاماسىز ەتۋگە, سونداي-اق قازاقستاننىڭ بٸرٸككەن ۇلتتار ۇيىمىنىڭ مامانداندىرىلعان مەكەمەلەرٸمەن ىنتىماقتاستىعىن ودان ەرٸ نىعايتۋعا ىقپال ەتەدٸ», – دەدٸ امانگەلدٸ نۇعمانوۆ.
زاڭ جوباسىن تالقىلاۋ بارىسىندا سىرتقى ٸستەر مينيسترٸنٸڭ بٸرٸنشٸ ورىنباسارى ەرجان اشىقباەۆ بۇۇ قىزمەتكەرلەرٸنە بەرٸلەتٸن يممۋنيتەتتەر ابسوليۋتتٸ سيپاتقا يە ەمەس ەكەنٸن اتاپ ٶتتٸ.
ونىڭ سٶزٸنشە, مۇنداي ارتىقشىلىقتار مەن يممۋنيتەتتەر حالىقارالىق ۇيىم قىزمەتكەرلەرٸنٸڭ جەكە باسىن قورعاۋ ٷشٸن ەمەس, ولاردىڭ قىزمەتتٸك مٸندەتتەرٸن تەۋەلسٸز اتقارۋىنا جاعداي جاساۋ ٷشٸن بەرٸلەدٸ.
«ەڭگٸمە ارتىقشىلىقتار مەن يممۋنيتەتتەردٸڭ فۋنكتسيونالدىق سيپاتتا بولۋىندا. ولار تەك قىزمەتتٸك مٸندەتتەردٸ ورىنداۋ كەزٸندە جاسالعان ەرەكەتتەرگە عانا قولدانىلادى. سونىمەن قاتار قۇقىق بۇزۋشىلىق انىقتالعان جاعدايدا كونۆەنتسييانىڭ 22-بٶلٸمٸ مامانداندىرىلعان مەكەمەلەردٸ يممۋنيتەتتەن باس تارتۋ مەسەلەسٸن قاراستىرۋعا جەنە تيٸسٸنشە سوت تٶرەلٸگٸنٸڭ جٷزەگە اسىرىلۋىنا مٷمكٸندٸك بەرۋگە مٸندەتتەيدٸ. كەپٸلدٸكتەر وسى تۇرعىدان قاراستىرىلعان», – دەدٸ ەرجان اشىقباەۆ.
ايتا كەتەيٸك, بۇعان دەيٸن سەنات قازاقستاندا ورتالىق ازييا مەن اۋعانستان ەلدەرٸ ٷشٸن بۇۇ-نىڭ تۇراقتى دامۋ ماقساتتارى جٶنٸندەگٸ ٶڭٸرلٸك ورتالىعىن قۇرۋ تۋرالى كەلٸسٸمدٸ دە راتيفيكاتسييالاعان بولاتىن.
