وسى رەتتە انگە جانى قۇمار بولاشاق جارىق جۇلدىزداردىڭ باسىن قوسىپ، ولارعا سىيقىرعا تولى سازدى اۋەنننىڭ سان ءتۇرلى سىرلارىن ۇيرەتكەن «STAR» ۆوكالدىق ستۋدياسىنىڭ اتقارعان جۇمىسىن ايرىقشا اتاپ ايتۋعا بولادى. بۇگىندە ستۋديا تالىمگەرلەرى قالالىق، وبلىستىق، رەسپۋبليكالىق ءان بايقاۋلاردى ايتپاعاندا، حالىقارالىق سايىستاردا توپ جارىپ ءجۇر. جۋىردا اتالعان ستۋديانىڭ شاكىرتتەرى – ايدانا جالەلوۆا، التىنيا عازيزوۆا، ماليكا جانتاسوۆا، دايانا ماقۇلبايەۆالار «تاڭعى شۇعىلا» شىعارماشىلىق فەستيۆالىنىڭ اياسىندا وتكىزىلگەن «زيمنيي زۆەزدوپاد» حالىقارالىق سايىسىندا ءبىرقاتار اتالىمدار بويىنشا جەڭىسكە جەتىپ، ءبىلىم ورداسىنىڭ ابىرويىن اسقاقاتاتتى.
– كوپتەگەن ادامدار ءبىزدىڭ مەكتەپتىڭ اتاۋىنا قاراپ وقۋشىلاردى بىلىممەن عانا قارۋلاندىرادى دەپ ويلاپ قالادى. بۇل جايىندا ارا-تۇرا ەستىپ قالامىن. ءبىز الدىمىزعا كەلگەن وقۋشىعا وزىق ۇلگىدەگى ءبىلىم بەرۋمەن قاتار ونىڭ تۇلعالىق دامۋىنا دا ەرەكشە نازار اۋدارامىز. مىسالى، سوڭعى 7 جىلدان بەرى تۇراقتى تۇردە جۇمىس جاساپ كەلە جاتقان «STAR» ۆوكالدىق كلۋبى تالاي ءانشىنىڭ مەكتەپ قابىرعاسىندا ءجۇرىپ-اق تانىلۋىنا جول اشتى. ال وسكەمەن قالاسىندا وتكەن بۇل سايىسقا العاش رەت قاتىستىق. سوعان قاراماستان ايىمىز وڭىنان تۋىپ، جۇلدەلى ورالدىق. ەندىگى مەجە – وسى دەڭگەيدەن تۇسپەۋ، – دەيدى مۋزىكالىق كوركەمدىك جەتەكشى رۋسلان قاسەنوۆ.
ءان الەمىندە جاڭا تالانتتاردىڭ تانىلاۋىنا جول اشىپ، مۋزىكا مادەنيەتى مەن ونەرىنىڭ دامۋىن باسشىلىققا العان حالىقارالىق بايقاۋ 2 كۇنگە سوزىلىپ، وعان 3-50 جاس ارالىعىنداعى اۋەسقوي انشىلەر قاتىسىپ، ساحنانى ناعىز سايىس الاڭىنا اينالدىرعان. جاس ەرەكشەلىكتەرىنە قاراي بىرنەشە توپقا بولىنگەن ۇمىتكەرلەر ۆوكال، بي، اكتەرلىك شەبەرلىك، اسپاپتاعى شىعارماشىلىق، كوركەم سۋرەت، حور، كيىم ۇلگىلەرى اتالىمدارى بويىنشا ارالارىنداعى مىقتىلاردى انىقتادى.
سايىس شارتى بويىنشا شىنايى داۋىستا ءان شىرقاعان سەمەيلىك ونەرپازداردىڭ اراسىنان ايدانا جالەلوۆا «ەسترادالىق ۆوكال»، التىنيا عازيزوۆا «كلاسسيكالىق ءان»، ماليكا جانتاسوۆا «زاماناۋي ۆوكال» اتالىمدارى بويىنشا گران-پري جۇلدەگەرلەرى اتاندى. مەكتەبىمىزدىڭ 8ء-شى سىنىبىندا وقيتىن ونەرلى قىزدار ارنايى ماقتاۋ قاعازى مەن كۋبوككە يە بولدى. ال 7ء-شى سىنىپ وقيتىن تاعى ءبىر ۇمىتكەرىمىز دايانا ماقۇلبايەۆا 10-12 جاس ارالىعىنداعى «ەسترادالىق ۆوكال» اتالىمىندا 1ء-شى ورىنعا يە بولىپ، ماقتاۋ قاعازى مەن التىن مەدالمەن ماراپاتتالدى. وسى دارىندى بالالاردىڭ تالانتىن ۇشتاپ، شىعارماشىلىق تۇلعانى دامىتۋ سالاسىنداعى تولاعاي تابىسى مەن قاجىرلى ەڭبەگى ءۇشىن جەتەكشىلەرى رۋسلان قاسەنوۆ ۇيىمداستىرۋشىلار تاراپىنان العىس حات الدى. ءبىز ءۇشىن ۇلكەن ماقتانىش.
ەجەلدەن ءان مەن جىرعا قۇمار، قازاق ادەبيەتى مەن مادەنيەتىنىڭ كىل مىقتىلارى دۇنيەگە كەلگەن قاسيەتتى توپىراقتا ولاردىڭ ءىزىن جالعاستىرۋشىلاردىڭ ءبىزدىڭ ارامىزدان شىعۋى زياتكەرلىك مەكتەبىمىزدەگى ءبىلىم مەن تاربيەنىڭ قاتار ءساتتى جۇرگىزىلىپ كەلە جاتقاندىعىنىڭ كۋاسىندەي.
ەرمەك يسابايەۆ، سەمەي قالاسىنداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ باسپا ءسوز حاتشىسى.
