اباي وبلىسىندا ابايدىڭ 180 جىلدىعىنا ارنالعان مەرەيتويلىق شارالار لەگٸ جالعاسۋدا. ونكٷندٸكتٸڭ سەگٸزٸنشٸ كٷنٸندە سەمەي قالاسىنداعى اباي اتىنداعى تەاتردا «ادامزاتتىڭ ابايى» اتتى رەسپۋبليكالىق اقىندار ايتىسى ۇيىمداستىرىلدى,- دەپ حابارلايدى Dalanews.kz
ٶنەر دوداسىنا ەلٸمٸزدٸڭ ەر ٶڭٸرٸنەن كەلگەن ون ەكٸ ايتىسكەر اقىن قاتىسىپ جاتىر. ولاردىڭ قاتارىندا «ايتىستىڭ اقتاڭگەرٸ» ايبەك قاليەۆ, ماقسات اقانوۆ, مۇحتار نييازوۆ, رٷستەم قايىرتايۇلى, جانسايا مۋسينا, اسپانبەك شۇعاتاەۆ, مەيٸربەك سۇلتانحان سىندى 6 «التىن دومبىرا» يەگەرٸ بار. بۇدان بٶلەك ەسەم ەرەجەقىزى, شۇعايىپ سەزٸمحان, «اسىل دومبىرا» يەگەرٸ ايبەك جەڭٸسقازين, سەرٸك قۋانعان, قۋاندىق كەنجەبەكۇلى, ٶمٸرجان كٶپبوسىنوۆ سەكٸلدٸ اقىندار سٶز سايىسىنىڭ كٶرٸگٸن قىزدىرۋدا. ايتىس جٷرگٸزۋشٸسٸ – بەلگٸلٸ ايتىسكەر اقىن, پارلامەنت مەجٸلٸسٸنٸڭ دەپۋتاتى امانجول ەلتاەۆ. قازىلار القاسىنىڭ تٶراعاسى – قر ەڭبەك سٸڭٸرگەن قايراتكەرٸ جٷرسٸن ەرمان. مەملەكەت جەنە قوعام قايراتكەرٸ, قر ەڭبەك سٸڭٸرگەن قايراتكەرٸ ساۋىتبەك ابدراحمانوۆ, اقىن تٶلەگەن جانعاليەۆ, دەۋلەتكەرەي كەپۇلى, سەرٸك قاليەۆ, قالقامان سارين, پارلامەنت مەجٸلٸسٸنٸڭ دەپۋتاتتارى رينات زايىتوۆ, جاناربەك ەشٸمجان, ايتىسكەر اقىندار مەن جىرشى-تەرمەشٸلەردٸڭ حالىقارالىق وداعىنىڭ اباي وبلىسى فيليالىنىڭ تٶراعاسى دەۋلەت سمەتوۆ ايتىسقا قازىلىق ەتەدٸ.
رەسپۋبليكالىق ايتىستىڭ اشىلۋ سالتاناتىنا وبلىس ەكٸمٸ بەرٸك ۋەلي قاتىسىپ, ايتىسكەرلەرگە سەتتٸلٸك تٸلەدٸ.
«اباي قازاق رەنەسسانسىنىڭ, ياعني, قايتا ٶرلەۋٸنٸڭ باسىندا تۇرعان قازاق. سول رەنەسسانستىڭ شارىقتاۋ شەگٸ – الاش قايراتكەرلەرٸ. اباي ەلٸ, سەمەي جەرٸ – تۇڭعىشتار مەكەنٸ. قازاق دالاسىنداعى تۇڭعىش تەاتر, تۇڭعىش باسپا, تۇڭعىش فۋتبول كلۋبى, تۇڭعىش تەلەگراف, تۇڭعىش بانك, تۇڭعىش تسيرك سەمەي جەرٸندە دٷنيەگە كەلدٸ. قازاقتىڭ تۇڭعىش كەسٸبي ەنشٸسٸ ەمٸرە قاشاۋباەۆ سەمەي توپىراعىنان تٷلەگەن. قازاق جازبا ەدەبيەتٸنٸڭ نەگٸزٸن قالاعان ابايدى دا تۇڭعىش دەۋگە تولىق قاقىمىز بار. سوندىقتان تۇڭعىشتار جەرٸنە قوش كەلدٸڭٸزدەر. بۇل جولعى ايتىس بۇرىنعى ايتىستاردان ٶزگەرەك. ولاي دەيتٸنٸمٸز, مىقتى اقىنداردىڭ بارلىعى ورتامىزدان تابىلىپ وتىر. الدارىڭىزدا تۇرعان 12 اقىننىڭ التاۋى «التىن دومبىرا» يەگەرٸ. «ايتىستىڭ اقتاڭگەرٸ» ايبەك قاليەۆ تە ورتامىزدا. مۇنداي ايتىس سەمەي جەرٸندە كٶپتەن بەرٸ ٶتكەن جوق. بٷگٸنگٸ سٶز دوداسىندا اقىندار ەلدٸ بٸرلٸككە شاقىرىپ, سالماقتى, ساليقالى سٶز ايتادى دەپ سەنەمٸز. اباي تويى قۇتتى بولسىن!», - دەدٸ ايماق باسشىسى.
ايتىس بارىسىندا «مەدەنيەت سالاسىنىڭ ٷزدٸگٸ» تٶسبەلگٸسٸ تابىستالىپ, ٶڭٸردٸڭ بٸرنەشە اقىنى ايتىسكەر اقىندار مەن جىرشى-تەرمەشٸلەردٸڭ حالىقارالىق وداعىنىڭ مٷشەلٸگٸنە قابىلداندى.
ايتا كەتەيٸك, قالا تۇرعىندارى ايتىستى ەمٸن-ەركٸن تاماشالاۋى ٷشٸن اباي تەاترىنىڭ الدىنا لەد-ەكران قويىلعان.
