شاھاردى جىلۋمەن قامتاماسىز ەتۋ قالاداعى كۇرمەۋى شەشىلمەي كەلە جاتقان باستى ماسەلەلەردىڭ ءبىرى. قىس قاھارىنا ءمىنىپ، اياز باستالعان ۋاقىتتا سەمەيلىكتەر ۇيلەرىنىڭ سۋىق، جىلۋ ماردىمسىز ەكەنىنە شاعىمدانا باستايدى.
تۇرعىنداردان كەلىپ تۇسكەن شاعىمدارعا بايلانىستى بيىلعى جىلى جۇمىس كوميسسياسى دا قۇرىلعان ەدى. ولار جىلىتۋ رادياتورلارىنىڭ نەگە جاقسى قىزبايتىندىعىن انىقتادى. بۇل تۇسىنىكتى جايت. قالاداعى شاعىن قازاندىقتاردىڭ ەسكىرگەنى، كۇردەلى جوندەۋدى قاجەت ەتەتىنىن، ءبىراق بۇل جاعدايدى تۇبەگەيلى وزگەرتپەيتىنىن ماماندار ءبىراز ۋاقىتتان بەرى ايتىپ كەلە جاتىر.
تىعىرىقتان شىعىپ، ساپالى جىلۋمەن قالانى قامتاماسىز ەتۋ ءۇشىن ۇكىمەت دەڭگەيىندە سەمەيدە جىلۋ-ەلەكتر ستانسياسىن سالۋ تۋرالى شەشىم قابىلداعان بولاتىن.
650 گكال جىلۋ قۋاتى مەن 450 مۆت ەلەكتر قۋاتى بار ستانسيا قالانىڭ تاريحي بولىگىندەگى جىلۋ تاپشىلىعىن جاۋىپ، سالىنىپ جاتقان اۋداندار ءۇشىن رەزەرۆ قۇرۋى كەرەك دەپ ەسەپتەدى. ءتىپتى بۇقارالىق اقپارات قۇرالدارى جوبا تۋرالى ەگجەي-تەگجەيلى مالىمەت بەردى: قۇنى شامامەن $ 1،3 ملرد، قۇرىلىس مەرزىمى - 3 جىل دەپ اقپارات تاراتتى.
2015 جىلى «Unit Group» شەتەلدىك كومپانياسىنىڭ ەنشىلەس كومپانياسى - «Unit Energy Investment» ج ش س ىقتيمال ينۆەستور رەتىندە اتالدى.
ءبىر اي بۇرىن، ءساۋىر ايىندا Unit Energy Investment وكىلى ولجاس ەسەنعارين ەل اراسىندا شۋ تۋدىرعان مالىمدەمە جاسادى.
ونىڭ ايتۋىنشا، كومپانيانىڭ قازاقستان رەسپۋبليكاسىنىڭ رەسپۋبليكالىق ينۆەستيسيالار كوميتەتىمەن كەلىسىمشارتى بولعانىن، الايدا وبلىستىق اتقارۋشى بيلىك قۇرىلىس ءۇشىن جەر تەلىمىن بەرمەگەندىكتەن جۇمىسقا كىرىسە الماعاندىعىن ونىڭ ۇستىنە اكىمدىك ينۆەستورمەن كەلىسىمدى بۇزۋ تۋرالى سوت ءىسىن جۇگىنگەندىگىن جەتكىزگەن ەدى.
الدىمەن سوت تالاپ ارىزدى قاناعاتتاندىرمادى، - دەدى ج ش س وكىلى. - ءبىراق سودان كەيىن سەمەي قالاسىنىڭ اكىمى سوتقا ارىز بەردى، سوت بۇل ءوتىنىشتى قاناعاتتاندىردى، كەلىسىمشارت بۇزىلدى. بۇل جاعدايدى ولجاس ەسەنعارين جەمقورلىقپەن بايلانىستىردى. ولار سەرىكتەستىك بولۋدەن باس تارتقاننان كەيىن ينۆەستور جەر ۋچاسكەسىمەن قيىندىقتارعا تاپ بولدى دەيدى. ەگەر اكىمدىكتە، قالادا كەدەرگىلەر جاسالماسا، بۇگىندە سەنىمدى جىلۋ كوزى بولار ەدى دەيدى.
ەل اراسىندا رەزونانس تۋدىرعان ماسەلەنىڭ اق، قاراسىن اجىراتۋ ءۇشىن Dalanews.kz سايتى تەكسەرىپ كورمەك.
بارلىعى جوسپارعا سايكەس پە؟
تاجىريبەلى ينۆەستوردىڭ ءبىرىنشى باستاۋى - بيزنەس-جوسپار. قۇجاتتا جوبانىڭ ىسكە اسىرىلۋى تۋرالى بارلىق اقپارات جانە ۇزاق مەرزىمگە ارنالعان كەشەندى جوسپار كورسەتىلەدى. سەمەي قالاسىنىڭ بۇرىنعى اكىمى تۇسىندىرگەندەي، ءقازىر شىعىس قازاقستان وبلىسى اكىمىنىڭ تۇرعىن ۇي-كوممۋنالدىق شارۋاشىلىعى جونىندەگى كەڭەسشىسى ەرماك ءسالىموۆ «Unit Energy Investment» ج ش س ۇسىنعان بيزنەس-جوسپارىمەن العاش تانىسقان كەزدە، ءتىپتى ول قۇرىلىسقا قاجەت تەحنيكانىڭ جانە كومپانيانىڭ قارجىلىق جاعدايى تۋرالى دا تولىق اقپارات جوق ەكەنىنە تاڭ قالدى.
"ينۆەستيسيا جانە دامۋ ءمينيسترىنىڭ 2015 جىلعى 30 قاراشاداعى ءنومىر: 1133 بۇيرىعىنداعى قوسىمشاعا سايكەس ينۆەستيسيالىق جوبالاردىڭ بيزنەس جوسپارلارىنا قويىلاتىن تالاپتار ناقتى كورسەتىلگەن" دەپ ءتۇسىندىردى باسشى.
تولىق ينۆەستيسيالىق شىعىنداردى، قارجىلاندىرۋ كوزدەرىن ەسەپتەي وتىرىپ، جوبانىڭ قارجىلىق مودەلىن كورسەتەتىن قارجىلىق ءبولىمنىڭ جوق بولۋىنىڭ ءوزى مۇنداي ينۆەستيسيالىق كەلىسىمشارتتى جارامسىز دەپ تانۋعا نەگىز بولادى"دەيدى.
سونىمەن قاتار، بۇرىنعى قالا اكىمنىڭ ايتۋىنشا، قۇجاتتا سەمەيدىڭ جىلۋ ەنەرگياسىنا قاجەتتىلىگى، الەۋمەتتىك-ەكونوميكالىق، قورشاعان ورتاعا اسەرىن، تابىستىلىعى مەن ءوزىن-وزى اقتاۋ كەزەڭدەرىن باعالاۋ سياقتى ماڭىزدى بولىمدەر بولماعان.
ءبىر قىزىعى سەمەي قالاسىنىڭ تۇرعىندارى ءۇشىن ەلەكتر قۋاتى قىمباتتايدى دەگەن اقپارات كورسەتىلگەن.
نە شيكىزات جەتكىزۋشىلەرىمەن كەلىسىم بولعان جوق. شيكىزات پەن ماتەريالداردىڭ جەكەلەگەن تۇرلەرى بويىنشا كولەمدەر تۋرالى مالىمەتتەردە بولمادى. نەگىزگى باسەكەلەستەردى كورسەتە وتىرىپ، سەمەي قالاسىنىڭ جىلۋ جانە ەلەكترمەن جابدىقتاۋ جاعدايىن تالدايتىن ماركەتينگ ءبولىمى دە، ەڭبەك اقى تولەۋ قورى تۋرالى مالىمەتتەرى دە بولمادى.
ەكىنشى جاعىنان، قۇجاتتى قاراۋ كەزىندە ج ش س جەتكىزۋشىلەردىڭ مۇددەلەرىن قورعايتىنداي اسەر قالدىردى. سول ۋاقىتتا بىزگە ەسكەرتۋ حاتتارى كەلدى »، - دەدى ەرماك ءسالىموۆ.
- الەۋەتتى ينۆەستورعا قاتىستى ونىڭ دەفولت فاكتىلەرى، سونداي-اق سۇراقتار تۋعىزاتىن قارجىلىق سحەمالار كەلتىرىلدى. سونىمەن قاتار ءبىز، سەرىكتەس رەتىندە كورسەتىلگەن رەسەيلىك كوماپانيالارعا سۇراۋ سالعان كەزدە، ولار بەيحابار ەكەنىن جەتكىزدى.
ءسوزىمدى دالەلدەي تۇسسەم: "سيبەنەرگوماش بكز " ج ش س" Unit Energy Investment »جشس-مەن كەلىسىمشارتتىق مىندەتتەمەلەرى جوق ەكەنىن حابارلادى. «ورال تۋربينا زاۆودى» اق Unit Energy Investment جشس-مەن جاسالعان كەلىسىمشارت جوق ەكەنىن جەتكىزدى.
سونىمەن بىرگە، اكىمدىك اتاپ وتكەندەي، ج ش س ينۆەستيسيالىق پرەفەرەنسيالار الۋعا ۇمىتتەندى، ال ەڭ باستىسى - سەمەي قالاسىنىڭ 140 گەكتار جەرىن 49 جىلعا جالعا الۋدى كوزدەدى.
زاڭناماعا سايكەس مۇنداي تابيعي گرانت ۋاكىلەتتى ورگانمەن، ياعني قالا اكىمدىگىمەن كەلىسىم بويىنشا بەرىلۋى مۇمكىن. ءبىراق مۇنداي ينۆەستورعا جەردى قالاي بەرۋگە بولادى؟ - دەپ اشۋعا بۋلىقتى بۇرىنعى شاھار باسشىسى.
ءىس سوتتا...
سوت ءىسى باستالدى. ەكونوميكالىق ماسەلەلەر بويىنشا داۋلارعا تاپ بولعاندار مۇنداي پروسەستەردىڭ ادەتتە كۇردەلى جانە ۇزاققا سوزىلاتىندىعىن بىلەدى.
2019 جىلدىڭ اقپانىندا استانا سوتى «Unit Energy Investment» جشس-مەن ينۆەستيسيالىق كەلىسىمشارتتى جارامسىز دەپ تانۋ تۋرالى شەشىم شىعاردى.
جوعارعى سوتتىڭ اپەللياسيالىق ساتىسى ۇكىمدى وزگەرىسسىز قالدىردى. 2019 جىلدىڭ مامىرىندا جوعارعى سوتتىڭ مامانداندىرىلعان سوت القاسى شەشىمدى وزگەرىسسىز قالدىرۋ تۋرالى شەشىم شىعاردى. اقىرى، 2019 جىلدىڭ 30 مامىرىندا جوعارعى سوتتىڭ كوميسسياسى داۋعا نۇكتە قويدى: ول ءوزىنىڭ شەشىمىمەن استانا سوتىنىڭ ۇكىمىن وزگەرىسسىز قالدىردى، اپەللياسيالىق شاعىمدار - قاناعاتتاندىرۋسىز قالدىرىلدى.
سول جىلدىڭ قىركۇيەگىندە ينۆەستور مەن ينۆەستيسيالار جونىندەگى كوميتەت جوعارعى سوتتىڭ ازاماتتىق ىستەر جونىندەگى بولىمىنە ءىستى قايتا قاراۋدى سۇراپ، ءوتىنىش ءبىلدىردى. ءبىراق ولاردان باس تارتىلدى. جوعارعى سوت «Unit Energy Investment» ينۆەستيسيالىق كەلىسىمشارتىن جارامسىز دەپ تانىدى، - دەپ ءتۇسىندىردى سەمەي قالاسىنىڭ اكىمدىگى.
- باسقاشا ايتقاندا، وبلىس پەن قالا باسشىلىعى زاڭدى ارەكەت ەتتى، وبلىس تۇرعىندارىنىڭ مۇددەلەرىن قورعادى. كومپانيالار ماڭىزدى ستراتەگيالىق وبەكتىلەرگە كەلىپ، ۋاقىتتى سوزىپ، سودان كەيىن كەلىسىمشارت تالاپتارىن ورىنداماعانى ءۇشىن مەملەكەتتەن ميللياردتاعان تەڭگە ءوندىرىپ العىسىن كەلەتىن مىسالدار جەتەرلىك! بۇل كوپتەگەن كورشىلەس رەسپۋبليكالارداعى تانىس قيتۇرقى ارەكەت.
وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باستىعى المات اقىشوۆتىڭ ايتۋىنشا، سەمەيدە زاماناۋي جىلۋ ەلەكتر ستانسياسى پايدا بولادى.
تەك قۇرىلىس پروسەسى اشىق جانە مەردىگەر سەنىمدى بولۋى كەرەك. اعىمداعى جىلى الداعى جىلىتۋ ماۋسىمىنا دايىندىق كەزىندە ۇلكەن جۇمىس كولەمى قاراستىرىلعان. اتاپ ايتقاندا، قولدا بار قۋاتتىلىقتى ارتتىرۋ ماقساتىندا «عابباسوۆ»، «103-103ا»، «ورتالىق»، «35 كۆارتال» قازاندىقتارىن جوندەۋ جۇمىستارى باستالدى. سونىمەن قاتار، جىلۋ جەلىلەرىن قالپىنا كەلتىرۋ، گيدراۆليكالىق سىناقتار وتكىزۋ جوسپارلانۋدا.«تەندەرلەر وتكىزىلدى، مەردىگەرلەر انىقتالدى»، - دەپ ءتۇسىندىردى باسشى.
1ء-شى قىركۇيەككە دەيىن «ورتالىق»، «103-103ا»، «عابباسوۆ»، «35-كۆارتال» قازاندىقتارىن جوندەۋ جانە «ورتالىق» جانە «103-103ا» قازاندىقتارى اراسىنداعى كوپىر جاسالادى. بۇگىندە سەمەيلىكتەر ءۇشىن قالانى كىم جىلۋمەن قامتاماسىز ەتەدى - شەتەلدىك ينۆەستور نەمەسە وتاندىق، جەكە كومپانيا نەمەسە مەملەكەتىكى ماڭىزدى ەمەس، ەڭ باستىسى ايازدى كۇندەرى ءۇي ىشىندە توڭىپ وتىرماۋ.
ادامدار ءۇشىن وزدەرىن پاتەرلەرىندە جايلى سەزىنۋى جانە كوممۋنالدىق قىزمەتتەردىڭ قول جەتىمدىلىگى ماڭىزدى. بۇل جاعدايدى ءوز كەزەگىندە Dalanews.kz باقىلاپ وتىرادى.
