اباي وبلىسىندا قاۋىپسىزدىگى ارالاس مەكەمەسىندە تەكسەرۋ توپ قىزمەتكەرلەرى قىراعىلىق تانىتىپ، مەكەمە اۋماعىنا ەسىرتكى تۇيىلگەن مانتىلاردىڭ جەتكىزىلۋىنىڭ جولىن كەستى، - دەپ حابارلايدى Dalanews.kz.
جازاسىن وتەۋشى سوتتالعان تانىسىنا 24 مانتىنىڭ ىشىنە ەت ورىنىنا ەسىرتكى ءتۇيىپ اكەلگەن.
ءتارتىپ ءبولىمىنىڭ تەكسەرۋ توبى مەن ۇلتتىق ۇلان قىزمەتكەرلەرى، كەلۋشىنىڭ سالەمدەمەسىن تەكسەرۋ بارىسىندا 24 مانتىنىڭ ىشىنە جاسىرىلىپ تۇيىلگەن ەسىرتكىنى تاۋىپ، تاركىلەدى.
"مانتىتۇيگىش سەمەيلىك" 24 مانتىنىڭ ىشىنە بارلىق سالماعى 650 گرامنان اساتىن گاشيش سالعان ەكەن.
"قازاقستان رەسپۋبليكاسىنىڭ قىلمىستىق كودەكسىنىڭ 297-1-بابىنا سايكەس قىلمىستىق ءىس قوزعالدى"، - دەدى مەكەمە باستىعىنىڭ ورىنباسارى ەرسىن احمەتجانوۆ.
