سەمەي قالاسىنداعى جەدەل مەديسينالىق جاردەم اۋرۋحاناسى باسشىسىنىڭ ايتۋىنشا، اتالمىش اۋرۋحانا 9 شىلدەگە دەيىن كوپسالالى ەمحانا رەتىندە جۇمىس ىستەگەن. 9 شىلدەدەن كەيىن ستاسيونار كوروناۆيرۋس ينفەكسياسىمەن اۋىرعان ناۋقاستارعا كومەك كورسەتكەن.
– 9 شىلدەگە دەيىن كوپسالالى ستاسيونار رەتىندە جۇمىس ىستەپ، ءتيىستى ەڭبەكاقىمىزدى الدىق. كەيىن جەدەل مەديسينالىق جاردەم اۋرۋحاناسىنا 270 پروۆيزورلىق پەن 30 ينفەكسيالىق توسەكپەن قامتاماسىز ەتىلدى. 9 شىلدەدەن باستاپ دارىگەرلەر كوروناۆيرۋس ينفەكسياسىمەن كۇرەسۋگە كىرىستى. ولار نەگىزگى ەڭبەكاقىسىنا سايكەس قوسىمشا اقى الادى. كوميسسيانىڭ شەشىمىمەن ءتيىستى قۇجاتتار قارالادى. بارلىق مەديسينالىق قىزمەتكەرلەر دەنساۋلىق ساقتاۋ ءمينيسترىنىڭ بۇيرىعىنا سايكەس 10 تامىزدا قوسىمشا اقى الادى، – دەدى ءىلياس مۇحامەدجان.
بۇدان بولەك، وبلىستىق دەنساۋلىق ساقتاۋ باسقارماسىنىڭ باسشىسى دارىگەرلەر نەگىزگى ەڭبەكاقاسىن الاتىنىن جانە وسى كۇنگە دەيىن جۇمىس ىستەگەندەرىنە بايلانىستى تولەنەتىنىن جەتكىزدى.
قوسىمشا اقى قىزمەتكەرلەردىڭ پروۆيزورلىق جانە ينفەكسيالىق ستاسيونارلاردا جۇمىس ىستەگەن ساعاتتارىنا تولەنەدى. ەگەر دارىگەر پروۆيزورلىق ستاسيوناردا بەلگىلەنگەن ساعات بويىنشا ەڭبەك ەتسە، وعان قوسىمشا 425 مىڭ تەڭگە بەرىلەدى. پروۆيزورلىق بولىمشەدە جۇمىس ىستەگەندەرگە 850 مىڭ تەڭگە تولەنەدى.
«الەۋمەتتىك مەديسينالىق ساقتاندىرۋ قورىنىڭ» شىعىس قازاقستان وبلىسى بويىنشا فيليالىنىڭ ديرەكتورى عالىمجان ءابىلوۆتىڭ ايتۋىنشا، بۇگىن وبلىستاعى بارلىق مەديسينالىق ۇيىمداردىڭ تولەم تۋرالى وتىنىشتەرى جيناقتالدى.
– ءبىز ءاربىر مەديسينا قىزمەتكەرىنىڭ پروۆيزورلىق جانە ينفەكسيالىق ستاسيونارلاردا قانشا ساعات بويى جۇمىس ىستەگەندەرى تۋرالى ءتىزىمدى الدىق. ءقازىر ءتيىستى قۇجاتتار وڭىرلىك كوميسسيانىڭ قاراۋىنا بەرىلدى. ەرتەڭ كوميسسيا مۇشەلەرىنىڭ قاتىسۋىمەن جينالىس وتەدى. قور حاتتاما تولتىرعان سوڭ كاتەگوريا بويىنشا قىزمەتكەرلەرگە قوسىمشا اقى تولەۋگە كىرىسەمىز. بۇل كەلىپ تۇسكەن وتىنىشتەرگە بايلانىستى قاراستىرىلىپ، كوروناۆيرۋسپەن كۇرەسكەندەرى ءۇشىن تولەنەدى، – دەدى عالىمجان ءابىلوۆ.
