بٸز ەرتٷرلٸ كەيستەردٸ زەرتتەدٸك. اراب ەمٸرلٸكتەرٸنٸڭ, سينگاپۋردىڭ تەجٸريبەسٸن زەردەلەدٸك. ولار نەگٸزٸنەن Microsoft شەشٸمٸن پايدالانادى.
الايدا بٸز 2017 جىلدان بەرٸ قازاقستان رەسپۋبليكاسى رەتٸندە Microsoft كومپانيياسىمەن كەلٸسسٶز جٷرگٸزۋگە بارىنشا تىرىسىپ كٶرگەن بولاتىنبىز. شىنىن ايتقاندا, ەلەمدٸك بۇل كومپانييا بٸزگە شىعىس كودىن بەرەر دەگەن ٷمٸتتە بولدىق. ول جەرگە بٸر رەت قانا كٶز سالىپ, نە جازىلعانىن كٶرٸپ, سەرتيفيكاتتاۋ ٷشٸن بٸرلەسكەن جۇمىسقا كٷش سالعانبىز. الايدا ولار بٸزبەن جۇمىس ٸستەۋدەن باس تارتتى. سول سەبەپتٸ بٸز قازاقستاننىڭ ۇلتتىق قاۋٸپسٸزدٸك كوميتەتٸنٸڭ تالاپتارىن جەنە اقپاراتتىق قاۋٸپسٸزدٸك زاڭناماسىن قاناعاتتاندىراتىن شەشٸمدٸ ٸزدەي باستادىق, - دەيدٸ باعدات مۋسين.
ونىڭ ايتۋىنشا, سبەر كومپانيياسىمەن جاسالعان مەموراندۋمدا "الاياقتار اينالىپ ٶتٸپ كٸرٸپ كەتپەيتٸندەي قۋىس-تەسٸكتەر جوقتىعىنا كٶز جەتكٸزۋ ٷشٸن قازاقستانعا اشىق شىعىس كودتارى كەرەكتٸگٸ اق پاراققا قاپ-قارا ەرٸپتەرمەن" انىق جازىلعان.
سوندىقتان مينيستر بۇل مەموراندۋمدى جٷيەلٸ شەشٸم دەپ اتادى. ايتۋىنشا, وسى مەموراندۋمعا قول قويار الدىندا پرەزيدەنت ەكٸمشٸلٸگٸمەن, ٷكٸمەتپەن, ۇلتتىق قاۋٸپسٸزدٸك كوميتەتٸمەن تەرەڭ تالقىلانعان.
مۇنداي شەشٸمدٸ بٸز بٸر مينۋتتا نەمەسە بٸرەۋدٸڭ قىسىمىمەن قابىلداعان جوقپىز. ٶزدەرٸڭٸز بٸلەتٸندەي, گەرمان وسكروۆيچپەن (سبەربانك باسشىسى) بٸرنەشە رەت كەزدەستٸك. جالپى ٸت سالاسىنىڭ كەلەشەگٸ نە بولىپ جاتقانىن سول كٸسٸمەن تالقىلادىق. مايل.رۋ مەن ياندەكستٸ زەرتتەدٸك.
الايدا قازٸرگٸ تاڭدا بٸزدٸ اقپاراتتىق قاۋٸپسٸزدٸك بولسىن, پلاتفورمالىق مودەلدەردٸڭ تالاپتارى جاعىنان بولسىن قاناعاتتاندىراتىن بٸردەن بٸر پلاتفورما – سبەرلٸك جوبا ەكەنٸن ۇعىپ, تٷيسٸنٸپ وتىرمىز, – دەيدٸ ول.
باعدات مۋسيننٸڭ ايتۋىنشا, قازاقستاندىقتاردىڭ مەلٸمەتتەرٸمەن, بيزنەس-پروتسەستەردٸڭ جۇمىستارىمەن رەسەيلٸك مامانداردىڭ قولىمەن ەمەس, قازاقستاندىق ٸت مامانداردىڭ قولىمەن جاسالادى.
مينيستر اتاپ ٶتكەندەي, قازاقستاندىقتاردىڭ مەلٸمەتتەرٸن باسقا ەلگە باسقارۋىنا بەرٸپ قويۋعا قازاقستاننىڭ زاڭى رۇقسات بەرمەيدٸ.
مەلٸمەتتەر بازاسى – قازاقستان رەسپۋبليكاسىنىڭ اۋماعىندا, قورعالاتىن جەردە ساقتالادى. مەموراندۋمدا جازىلعانداي "ول جەردە رەسەيلٸك ماماندار قول جەتكٸزە المايدى!" ەگەر تٸپتٸ قانداي دا بٸر تەحنولوگييالىق قولداۋ ٷشٸن رەسەيلٸك ماماندار بٸزگە تارتىلعان جاعدايدا دا بۇل جۇمىس بٸزدٸڭ مەملەكەتتٸك-تەحنيكالىق قىزمەتتٸڭ ماماندارىنىڭ باقىلاۋىمەن جاسالادى. بٸزدٸڭ بيزنەس ٶكٸلدەرٸنٸڭ 90 پايىزى مەسەلەن ادينەس جٷيەسٸن پايدالانادى. بٸز مەلٸمەتتەرٸمٸزدٸڭ بارلىعى رەسەيدە دەمەيمٸز عوي. مەلٸمەتتەردٸڭ بەرٸ دە بٸزدٸڭ سەرۆەرلەردە بولادى. بۇل جەردە شىبىندى تٷيەدەن اجىراتىپ الۋ كەرەك. رەسەيلٸك مامانداردىڭ بٸردە بٸرٸنٸڭ وعان قولى جەتپەيدٸ, - دەيدٸ ول.
مينيستر كەلەسٸ جىلدىڭ سەۋٸرٸندە جوبانىڭ بارلىق جان-جاقتى پارامەترٸن ايقىندايتىن كەلٸسٸمگە قول قويىلاتىنىن مەلٸم ەتتٸ.
جوبانىڭ سوماسى تۋرالى ەرتٷرلٸ الىپقاشپا ەڭگٸمە تاراپ كەتٸپتٸ. بٸرەۋلەر 5 ملرد دوللار كەتەدٸ ەكەن دەيدٸ. ول جالعان اقپارات. شامامەن 500 ملن دوللار كەرەك. بٸراق ەكونوميكالىق زەرتتەۋلەر كەزٸندە قاراجات پىسىقتالادى, - دەيدٸ ول.
