سايرام اۋداندىق “جاستار رەسۋرستىق ورتالىعى” كمم ۇيىمداستىرۋىمەن قازاقستان مەسليحاتتارىنىڭ 30 جىلدىعىنا وراي, بٸلٸم مەن زيياتكەرلٸكتٸ دامىتۋعا ارنالعان وبلىستىق “ەرۋديت” ينتەللەكتۋالدى ويىنى ٶتتٸ, دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
شاراعا سايرام اۋدانى ەكٸمٸنٸڭ ورىنباسارى مادييار ەلٸپوۆ, تٷركٸستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم باسشىسى ەرنار بەكتاەۆ, اۋداندىق مەسليحات دەپۋتاتتارى قاتىسىپ, قاتىسۋشىلارعا سەتتٸلٸك تٸلەدٸ.
جوبانىڭ ماقساتى – جاستاردىڭ بٸلٸمگە قۇشتارلىعىن وياتىپ, وي-ٶرٸسٸن كەڭەيتۋ, لوگيكالىق جەنە شىعارماشىلىق قابٸلەتتەرٸن دامىتۋ, ٶزارا قارىم-قاتىناس پەن كوماندالىق جۇمىستىڭ ماڭىزدىلىعىن ۇعىندىرۋ. ينتەللەكتۋالدى ويىنعا وبلىس اۋماعىنداعى اۋدان, قالالاردان جەنە اۋدانداعى تٷرلٸ مەكەمەلەردەن كەلگەن 15 كوماندا قاتىستى. بەس كەزەڭدٸك سايىستا قاتىسۋشىلار تاريح, ەدەبيەت, سپورت, ۇلتتىق دەستٷرلەر, لوگيكالىق تاپسىرمالار سيياقتى تٷرلٸ سالالار بويىنشا سىنعا تٷستٸ.
جارىس نەتيجەسٸندە سوزاق اۋدانىنىڭ “تەرٸسكەي” كومانداسى جەڭٸمپاز اتانسا, 2 ورىنعا وبلىستىق “جاستار رەسۋرستىق ورتالىعىنىڭ” “الاش” جەنە كەلەس اۋدانىنىڭ “كەلەس” كوماندالارى جايعاستى. ال, ٷزدٸك ٷشتٸكتٸ سايرام اۋدانىنىڭ “بەيتەرەك” كومانداسى قورىتىندىلادى. سونىمەن قاتار, سارىاعاش اۋدانىنىڭ “كونينا Power” كومانداسى “ٷزدٸك تالپىنىس” نوميناتسيياسىن جەڭٸپ الدى. جەڭٸمپازدار مەن جٷلدەگەرلەرگە العىس حاتتار مەن قارجىلاي سىيلىقتار تابىستالدى.
