قارامۇرت اۋىلدىق كلۋبىندا وتكەن باسقوسۋدا پارتيانىڭ سايلاۋالدى باعدارلاماسى تانىستىرىلىپ، ۇگىت-ناسيحات جۇمىستارى جۇرگىزىلدى. سونىمەن قاتار، ۇمىتكەرلەر پارتيانىڭ الداعى ۋاقىتتا اتقاراتىن تولىمدى ىستەرىن تىلگە تيەك ەتتى.
ناقتىراق ايتساق، اۋىل شارۋاشىلىعى بويىنشا جايىلىم جەرلەردى زاڭ اياسىندا حالىققا ءتيىمدى ەتىپ شەشۋگە، 2025 جىلعا دەيىن قارامۇرت، مانكەنت، ارىس اۋىلدىق وكرۋگتەرىندە 4 بىرلىك ءتاۋارلى-سۇت فەرمالارىن اشۋعا، 100 باستان جوعارى 10 بىرلىك مال بورداقىلاۋ الاڭىن سالۋعا ىقپال ەتۋ كوزدەلۋدە.
– «Nur Otan» پارتياسى اۋىل ازاماتتارىنىڭ ءومىر ساپاسىن جاقسارتۋدى جاقتايدى. وسى باعىتتا «اۋىل – ەل بەسىگى» سىندى جوبالار ىسكە اسىرۋ جالعاسادى. تۇرعىندار تازا سۋعا جانە ساپالى جولدارعا، الەۋمەتتىك جانە ينجەنەرلىك ينفراقۇرىلىمعا قول جەتكىزەدى. ماسەلەن، 2025 جىلى اۋداندىق ماڭىزى بار اۆتوموبيل جولدارى 75،8 پايىزعا، ەلدى مەكەندەردەگى كوشەلەردىڭ جاقسى جانە قاناعاتتانارلىق جاعدايداعى ۇلەسى 90،7 پايىزعا جەتكىزۋگە ىقپال ەتپەك، – دەدى ولار.
(ماتەريال اقىسى «Nur Otan» پارتياسىنىڭ تۇركىستان وبلىسى سايرام اۋدانىنىڭ سايلاۋ قورىنىڭ ەسەبىنەن تولەندى)
