بۇگىن وبلىس اكىمىنىڭ ورىنباسارى نۇربول تۇراشبەكوۆ سايرام اۋدانىنا بارىپ، ءبىرقاتار نىسانداردى ارالادى. اۋدان اكىمى ارمان ءسابيتوۆ وبلىس اكىمىنىڭ تاپسىرماسىنا سايكەس اگروايماققا بولىنگەن 90 گا بويىنشا اتقارىلاتىن جۇمىس جوسپارىن ۇسىنىپ، جوبالاردى تانىستىردى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ارالاۋ بارىسىندا وبلىس اكىمىنىڭ ورىنباسارى «Gen Group Kazakhstan» ج ش س جىلىجاي كەشەنىن كەڭەيتۋ باعىتىندا اتقارىلعان تىرلىكتەرمەن دە تانىستى. بانان ءوسىرۋدى جولعا قويعان سەرىكتەستىك قوسىمشا 6 گەكتارعا جىلىجاي سالىپ، قىزاناق جانە قۇلپىناي ءوسىرۋدى قولعا الماق.
«جوبا تولىق ىسكە اسقان جاعدايدا جىلىنا 3 مىڭ توننادان استام قىزاناق، 130 توننادان استام قۇلپىناي جينالادى دەيدى ج ش س باسشىسى»، تيمۋر ۋتەشيەۆ.
«Korkem» ساۋدا بەلگىسىمەن تانىمال «ناۋرىز-5» ج ش س كاسىپورنىن ارالاۋ بارىسىندا سەرىكتەستىك باسشىسى دجۋرات يگامبەكوۆ جەمىس قابىلداۋ، كوكونىستەردى وڭدەۋ، قالبىرلاۋ جانە نارىققا شىعارۋ بارىسىندا كەزدەسەتىن وزەكتى ماسەلەلەردى جەتكىزدى.
«Kaz Eco Meat» ج ش س ءىرى قارا مال بورداقىلاۋ جانە مال سويۋ كەشەنىنىڭ قۇرىلىسىن 2025 جىلى اياقتاۋدى جوسپارلاپ وتىر. قازىرگى تاڭدا بەلارۋس، جۇڭگو جانە تۇركيا ەلدەرىنەن ارنايى قوندىرعىلار ساتىپ الىنعان. ال «Nurym Group» جاۋاپكەرشىلىگى شەكتەۋلى سەرىكتەستىگى قۇراما جەم وندىرەتىن زاۋىتتى جىل سوڭىنا دەيىن ىسكە قوسپاق.
نۇربول تۇراشبەكوۆ كاسىپكەرلەرگە ماسەلەلەرى مەن ۇسىنىستارىنىڭ زاڭ اياسىندا زەردەلەنەتىنىن اتاپ ءوتتى. اكىمدىك تاراپىنان اتقارىلاتىن جۇمىستار كەزەڭىمەن جۇزەگە اساتىنىن ايتىپ، جاۋاپتىلارعا ناقتى تاپسىرمالار جۇكتەدى.
