تۇركىستان وبلىسى، سايرام اۋدانىنىڭ كاسىپكەرلەرى وسى قاعيدانى بەرىك ۇستانادى ەكەن. جىل باسىنان بەرى اۋداننىڭ ەكونوميكالىق كورسەتكىشى ءوسىپ، ءوندىرىسى العا باسۋدا. اۋدان اكىمى باقتيار مامايەۆتىڭ ايتۋىنشا جىل باسىنان بەرگى سەگىز ايدا اۋداندا 28،7 ملرد. تەڭگەنىڭ ءونىمى وندىرىلگەن.
اكىمدىك اۋداننىڭ دامۋ تۇعىرناماسىنا سايكەس جىل اياعىنا دەيىن ءونىم ءوندىرۋ كولەمىن 38 ملرد. تەڭگەگە جەتكىزۋدى كوزدەپ وتىر.
اۋدانداعى وڭدەۋ ونەركاسىبى وركەن جايىپ كەلەدى. وڭدەۋمەن اينالىساتىن جاڭا كاسىپورىندار اشىلۋدا، ال جۇمىس ىستەپ جاتقاندارىنىڭ كوكجيەگى كەڭەيۋدە. ايتالىق، ايتەكە بي اۋىلىنداعى «DALA FRUءىT.KZ» كاسىپورنى قارقىندى باۋ جوباسىن ۇلعايتىپ، اۋىل شارۋاشىلىعى ونىمدەرىن وڭدەيتىن سەحتى ىسكە قوستى، وسىنىڭ ناتيجەسىندە قوسىمشا 13 جۇمىس ورنى اشىلدى. اقسۋ اۋىلىندا «ALATEX» كاسىپورنىنىڭ تىگىن سەحى ىسكە قوسىلىپ، 17 ادام جۇمىسقا تۇردى. بۇدان بولەك «راحمانقۇلوۆ» جانە «Bella Mebel» جيھاز فابريكاسىنىڭ ءونىم ءوندىرۋ كولەمى ۇلعايتىلىپ، قوسىمشا 23 ادام ەكى قولعا ءبىر كۇرەك تاپتى، – دەيدى اۋدان باسشىسى.
اۋدان مەملەكەتتىك باعدارلامالارعا دا بەلسەندى تۇردە اتسالىسۋدا. يندۋستريالاندىرۋ كارتاسىنىڭ «وڭىرلەر كاسىپكەرلىگىن قولداۋ" جوباسىنا سايرامدا جالپى قۇنى 7،8 ملرد. تەڭگەلىك 13 جوبا ەنگەن، ازىرگى تاڭدا 8 جوبا ىسكە قوسىلىپ، ءونىم وندىرۋدە. بۇلارعا 400-گە جۋىق جۇمىس ورنى اشىلعان.
بيىلعى جىلدىڭ اياعىنا دەيىن اتالعان باعدارلاما شەڭبەرىندە جالپى قۇنى 2 ملرد. تەڭگەنى قۇراعان «بىرلىك-4» ءجشس-نىڭ اۋىل شارۋاشىلىعى ونىمدەرىن وڭدەيتىن كەشەن قۇرىلىسى ىسكە قوسىلماق. بۇل ءوز كەزەگىندە جاڭادان 150 ادامدى جۇمىسپەن قامتۋعا مۇمكىندىك بەرەدى.
اۋداننىڭ تىرشىلىگىندە ىلگەرىلەۋ بارىن بايقاعان ينۆەستورلار دا سايرامعا قارجى قۇيۋعا قۇلىقتى. اۋدان اكىمىنىڭ دەرەگىنشە، 2018 جىلدىڭ 8 ايىندا اۋدانعا 11،7 ملرد.تەڭگە ينۆەستيسيا تارتىلىپتى.
