ساياساتتانۋشى مارات شيبۇتوۆ رەسەيگە كىرگەن كەزدە قازاقستاندىقتار سمارتفونىنا ورناتاتىن ruID قوسىمشاسىنىڭ قاۋىپسىزدىگىن تەكسەرۋدى ۇسىندى، دەپ حابارلايدى Dalanews.kz.
ونىڭ ايتۋىنشا، بۇل باعدارلاما قانداي مالىمەتتەردى جيناپ، قايدا جىبەرەتىنى بەلگىسىز، ءارى ونى تولىق جويۋ مۇمكىن بە – سونى انىقتاۋ ماڭىزدى.
وسىعان بايلانىستى ول ۇقك-نىڭ مەملەكەتتىك تەحنيكالىق قىزمەتى ارنايى زەرتتەۋ جۇرگىزۋى كەرەك دەپ ەسەپتەيدى.
ايتا كەتەيىك، 30 ماۋسىمنان باستاپ، رەسەي شەتەل ازاماتتارىنىڭ مەملەكەتتىك شەكارا ارقىلى كىرۋى مەن شىعۋىنا قاتىستى جاڭا ەرەجەلەر بويىنشا ەكسپەريمەنتتى بارلىق وتكىزۋ بەكەتتەرىندە ىسكە قوستى.
ەندى رەسەيگە ۆيزا قاجەت ەمەس ەلدەردىڭ ازاماتتارىنا، سونىڭ ىشىندە قازاقستاندىقتارعا، ەلگە كىرمەي تۇرىپ الدىن الا ءبىرىڭعاي سايكەستەندىرۋ جانە اۋتەنتيفيكاسيا جۇيەسىندە تىركەۋدەن ءوتۋ جانە ruID ءموبيلدى قوسىمشاسى ارقىلى ەلەكتروندى تۇردە كىرەتىندىگى تۋرالى ءوتىنىم بەرۋ ۇسىنىلادى.
«ruID قوسىمشاسى ارقىلى رەسەي فەدەراسياسىنا كىرۋ تۋرالى ءوتىنىمدى تولتىرۋ – ەرىكتى سيپاتقا يە ەكەنىن ەسكەرتەمىز»، – دەپ حابارلاعان بولاتىن بۇعان دەيىن رەسەيدىڭ قازاقستانداعى ەلشىلىگى.
كىرۋ تۋرالى ءوتىنىمدى تولتىرماۋ شەكارالىق باقىلاۋدان وتۋگە كەدەرگى كەلتىرمەيدى. الايدا قازاقستان ازاماتتارىنا ruID قوسىمشاسىن پايدالانۋعا كەڭەس بەرىلەدى، سەبەبى ول رەسەي اۋماعىندا ءبىرقاتار قوسىمشا مۇمكىندىكتەرگە جول اشادى:
- قولجەتىمدى مەملەكەتتىك قىزمەتتەردى ونلاين الۋ؛
- رەسەيلىك SIM-كارتا راسىمدەۋ؛
- ايىپپۇلداردى، سالىق بەرەشەكتەرىن جانە مەملەكەتتىك الىمداردى تولەۋ.
جاڭا ەرەجەلەرگە ساي، كىرۋ تۋرالى ءوتىنىم الدىن الا – ساپارعا كەمىندە 72 ساعات بۇرىن جانە 90 كۇننەن ەرتە ەمەس مەرزىمدە بەرىلۋى ءتيىس.
شۇعىل جاعدايلاردا – مىسالى، تۋىستىڭ اۋىرىپ قالۋى نەمەسە قايتىس بولۋى سەكىلدى ەرەكشە ءمان-جايلار تۋىنداسا، ءوتىنىمدى 4 ساعات ىشىندە راسىمدەۋگە بولادى. ول ءۇشىن ەرەكشە جاعدايدى راستايتىن قۇجاتتار ۇسىنىلۋى كەرەك.
