سينوپتيكتەر الداعى كۇندەرگە ارنالعان اۋا رايى بولجامىن جاريالادى، دەپ حابارلايدى Dalanews.kz.
30 ساۋىردە قازاقستاننىڭ وڭتۇستىك-باتىسىندا، سولتۇستىك-باتىسىندا، 2 مامىردا وڭتۇستىگى مەن وڭتۇستىك-شىعىسىندا قاتتى جاڭبىر جاۋادى. كەيبىر جەرلەردە بۇرشاق جاۋىپ، جەل سوعۋى مۇمكىن.
30 ساۋىردە سولتۇستىك، ورتالىق وڭىرلەردە جاۋىن-شاشىنسىز اۋا رايى بولادى. ەلدىڭ وڭتۇستىگىندە شاڭدى داۋىل تۇرادى. رەسپۋبليكا بويىنشا تۇندە جانە تاڭدا تۇمان تۇسەدى.
كۇندىز اۋا تەمپەراتۋراسى بىلاي كوتەرىلەدى:
- وڭتۇستىك-باتىستا +17…+22 گرادۋسقا دەيىن؛
- سولتۇستىك-باتىستا +13…+25 گرادۋسقا دەيىن؛
- شىعىستا +25…+32 گرادۋسقا دەيىن؛
- وڭتۇستىك-شىعىستا +25…+32 گرادۋسقا دەيىن.
كەرىسىنشە مىنا وڭىرلەردە اۋا تەمپەراتۋراسى بىلاي تومەندەيدى:
- باتىستا +10…+15 گرادۋسقا دەيىن؛
- سولتۇستىكتە +12…+18 گرادۋسقا دەيىن؛
- ورتالىقتا +15…+25 گرادۋسقا دەيىن؛
- وڭتۇستىكتە +18…+23 گرادۋسقا دەيىن.
