2027 جىلدان باستاپ قازاقستاندا ورگانيكالىق تىڭايتقىش ٶندٸرۋگە جاڭا تالاپتار قويىلادى. ۇلتتىق ستاندارت 1 قاڭتاردان باستاپ كٷشٸنە ەنەدٸ, دەپ حابارلايدى dalanews.kz.
جاڭا قۇجات ٶندٸرۋشٸلەرگە ورتاق تالاپ بەلگٸلەپ, وتاندىق ٶنٸمنٸڭ ساپاسىن ارتتىرۋعا جەنە ورگانيكالىق ەگٸنشٸلٸكتٸ دامىتۋعا باعىتتالعان.
ستاندارتتا مال شارۋاشىلىعى قالدىقتارىن, سونىڭ ٸشٸندە مال كٶڭٸن, قۇس ساڭعىرىعىن, كومپوست پەن بيوگۋمۋستى ٶنەركەسٸپتٸك ٶڭدەۋ تەرتٸبٸ ناقتى كٶرسەتٸلگەن. سونداي-اق, بيوگاز قوندىرعىلارىنان الىناتىن ديگەستاتتى قايتا ٶڭدەۋ تالاپتارى بەلگٸلەندٸ. وعان اناەروبتى اشىتۋ, كەپتٸرۋ جەنە تٷيٸرشٸكتەۋ پروتسەستەرٸ كٸرەدٸ.
جاڭا تالاپتار ٶنٸمنٸڭ قاۋٸپسٸزدٸگٸنە دە قاتىستى. ورگانيكالىق تىڭايتقىشتاردىڭ قۇرامىندا پاتوگەندٸ ميكروورگانيزمدەر, ونىڭ ٸشٸندە سالمونەللا مەن گەلمينت جۇمىرتقالارى بولماۋعا تيٸس.
بۇدان بٶلەك, قورعاسىن, كادميي, سىناپ جەنە كٷشەن سيياقتى اۋىر مەتالداردىڭ مٶلشەرٸ شەكتٸ دەڭگەيدەن اسپاۋى كەرەك. تىڭايتقىشتاردىڭ رادياتسييالىق قاۋٸپسٸزدٸگٸنە دە تالاپ قويىلادى.
