2027 jyldan bastap Qazaqstanda organikalyq tyńaitqysh óndirýge jańa talaptar qoiylady. Ulttyq standart 1 qańtardan bastap kúshine enedi, dep habarlaidy dalanews.kz.
Jańa qujat óndirýshilerge ortaq talap belgilep, otandyq ónimniń sapasyn arttyrýǵa jáne organikalyq eginshilikti damytýǵa baǵyttalǵan.
Standartta mal sharýashylyǵy qaldyqtaryn, sonyń ishinde mal kóńin, qus sańǵyryǵyn, kompost pen biogýmýsty ónerkásiptik óńdeý tártibi naqty kórsetilgen. Sondai-aq, biogaz qondyrǵylarynan alynatyn digestatty qaita óńdeý talaptary belgilendi. Oǵan anaerobty ashytý, keptirý jáne túiirshikteý protsesteri kiredi.
Jańa talaptar ónimniń qaýipsizdigine de qatysty. Organikalyq tyńaitqyshtardyń quramynda patogendi mikroorganizmder, onyń ishinde salmonella men gelmint jumyrtqalary bolmaýǵa tiis.
Budan bólek, qorǵasyn, kadmii, synap jáne kúshán siiaqty aýyr metaldardyń mólsheri shekti deńgeiden aspaýy kerek. Tyńaitqyshtardyń radiatsiialyq qaýipsizdigine de talap qoiylady.
