قازاقستاننىڭ 2025 جىلعى سىرتقى ساۋدا كٶرسەتكٸشتەرٸ قۇرىلىمدىق ەلسٸرەۋ بەلگٸلەرٸن كٶرسەتتٸ, دەپ حابارلايدى Dala News.
جىل قورىتىندىسى بويىنشا يمپورت كٶلەمٸ 64,8 ملرد دوللاردى قۇراپ (+4,4 ملرد), ال ەكسپورت 79,0 ملرد دوللارعا دەيٸن تٶمەندەدٸ (-2,6 ملرد). نەتيجەسٸندە سىرتقى ساۋدانىڭ وڭ سالدوسى ٷشتەن بٸرٸنە قىسقارىپ, 14,2 ملرد دوللارعا دەيٸن ازايدى. بۇل ەكسپورت سەكتورىنىڭ جٸٶ ٶسٸمٸنە قوساتىن ٷلەسٸنٸڭ ەلسٸرەگەنٸن بٸلدٸرەدٸ.
ساۋدا بالانسىنىڭ پروفيتسيتٸ جٸٶ-گە شاققاندا 4,6%-عا دەيٸن تٶمەندەدٸ. بٸر جىل بۇرىن بۇل كٶرسەتكٸش 7,3% بولعان. ساراپشىلاردىڭ باعالاۋىنشا, ەكونوميكالىق ٶسٸم قۇرىلىمى بٸرتٸندەپ ٸشكٸ سۇرانىس پەن ينۆەستيتسييالارعا اۋىسىپ جاتىر, ال سىرتقى سەكتوردىڭ رٶلٸ تٶمەندەۋدە.
مامانداردىڭ پٸكٸرٸنشە, ەكسپورتتىڭ شيكٸزاتقا تەۋەلدٸلٸگٸ جەنە كەيبٸر سالالاردىڭ يمپورتقا جوعارى تەۋەلدٸ بولۋى ەكونوميكاعا سىرتقى باعا جەنە ۆاليۋتا باعامى شوكتارىنىڭ ەسەرٸن كٷشەيتەدٸ. سوندىقتان ەكسپورتتى ەرتاراپتاندىرۋ مەن يمپورتقا تەۋەلدٸلٸكتٸ ازايتۋ ۇزاقمەرزٸمدٸ تۇراقتى ٶسٸمنٸڭ نەگٸزگٸ شارتىنا اينالىپ وتىر.
ٷكٸمەت بولجامىنا سەيكەس, 2026 جىلى ەكسپورت 77,1 ملرد دوللارعا دەيٸن تٶمەندەۋٸ مٷمكٸن, ال يمپورت 67,7 ملرد دوللارعا دەيٸن ٶسەدٸ. بۇل جاعدايدا ساۋدا بالانسىنىڭ پروفيتسيتٸ 9,4 ملرد دوللارعا دەيٸن قىسقارىپ, تاعى دا شامامەن ٷشتەن بٸرٸنە ازايۋى ىقتيمال.
مۇنداي ديناميكا سىرتقى پوزيتسييانىڭ ەلسٸرەۋٸن, ۆاليۋتا نارىعىنا قىسىمنىڭ كٷشەيۋٸن جەنە قولايسىز سىرتقى كونيۋنكتۋرا جاعدايىندا ۇلتتىق بانكتٸڭ حالىقارالىق رەزەرۆتەرٸنە جٷكتەمەنٸڭ ارتۋ قاۋپٸن بٸلدٸرەدٸ.
