الماتىداعى سايىن كٶشەسٸندە قوعامدىق كٶلٸككە ارنالعان جاڭا ارنايى جولاق ٸسكە قوسىلعان ەدٸ. كەيٸن بۇل جولاققا جول قوزعالىسى ەرەجەلەرٸ ساقتالۋىن باقىلاپ, زاڭبۇزۋشىلىقتاردى تٸركەيتٸن "سەرگەك" كامەرالارى ورناتىلدى, دەپ حابارلايدى dalanews.kz.
13 تامىزدا ساعات 18:45 شاماسىندا سايىن كٶشەسٸندە ەكٸنشٸ دەرەجەلٸ جولدان نەگٸزگٸ جولعا شىعاتىن تۇستا كٶلٸك كەپتەلٸسٸ پايدا بولعان. جولداعى جاعداي ەلەۋمەتتٸك جەلٸدە جارييالانعان ۆيدەودان كٶرٸنەدٸ.
جەلٸ قولدانۋشىلارى كامەرا ورناتىلعاننان كەيٸن كٶلٸك قوزعالىسى قيىنداعانىن ايتىپ, اۆتوبۋس جولاعىنا قاتىستى پٸكٸر بٸلدٸردٸ. كەيبٸر تۇرعىندار ارنايى جولاقتى الىپ تاستاۋدى ۇسىنسا, ەندٸ بٸرٸ كامەرالار مەن جاڭا جول بەلگٸلەرٸ كەپتەلٸستٸ كٷشەيتٸپ جاتقانىن جازدى.
"الماتىداعى كەپتەلٸستٸ ەلٸ بٸردە-بٸر ەكٸم شەشە العان جوق", "سايىن كٶشەسٸندە اۆتوبۋستار ونسىز دا جاقسى جٷرەتٸن", "كٶلٸكتەر ەكٸ ساعاتتاپ كەپتەلٸستە تۇرسا, قالاداعى اۋا تازالىعىن قالاي جاقسارتۋعا بولادى?" دەگەن پٸكٸرلەر دە ايتىلدى.
تۇرعىندار وقۋ جىلى باستالعاننان كەيٸن, ەسٸرەسە, 1 قىركٷيەكتەن سوڭ سايىن كٶشەسٸندەگٸ كٶلٸك قوزعالىسى ودان ەرٸ قيىنداۋى مٷمكٸن دەپ الاڭداپ وتىر.
