قاراعاندى وبلىسى سەتباەۆ قالاسىندا 5 جاسار قىزدى "ۇرلادى" جەنە "زورلادى" دەپ كٷدٸككە ٸلٸنگەن 62 جاستاعى ەر ادام قاماۋعا الىندى.
كٷدٸكتٸنٸڭ ەكٸ ايعا قامالعانىن ازاتتىق تٸلشٸسٸنە سەتباەۆ قالالىق سوتىنىڭ قىزمەتكەرٸ حابارلادى. پوليتسييا ەزٸرگە تٷسٸنٸكتەمە بەرمەدٸ.
24 شٸلدەگە قاراعان تٷنٸ تۇرعىنداردىڭ بٸرٸ پەتەرٸندە كٸشكەنتاي قىزدى ۇستاپ وتىر دەگەن اقپارات شىققان سوڭ سەتباەۆتا جٷزدەن استام ادام كٶشەگە شىعىپ, كٷدٸكتٸنٸ قولعا تاپسىرۋدى تالاپ ەتكەن ەدٸ. بۇعان دەيٸن ٸشكٸ ٸستەر مينيسترلٸگٸ سول كەزدە كەيبٸر ازاماتتاردىڭ "بۇزاقىلىق" جاساعانىن, بٸرنەشە قىلمىستىق ٸس قوزعالعانىن ايتقان.
تەرتٸپسٸزدٸككە بايلانىستى قانشا ادامنىڭ ۇستالعانى جەنە قانشا شىعىن كەلگەنٸ رەسمي تٷردە ايتىلعان جوق. پوليتسييا مەن ەكٸمدٸك ٷنسٸز.
ٶتكەن جۇمادا بيلٸك حالىق تولقۋى كەزٸندە "ەش كٸنەسٸ جوق ادامداردىڭ" شىعىنعا ۇشىراعانىن, بٸراق ناقتى قانداي مٷلٸكتٸڭ بٷلٸنگەنٸن ايتپاعان. سەتباەۆ قالاسىنان تٷسٸرٸلگەن ۆيدەولاردا پوليتسييانىڭ قىزمەت كٶلٸكتەرٸنٸڭ بٷلٸنگەنٸ, پوليتسييا عيماراتى جانىنداعى قوقىس تٶگەتٸن ورىننىڭ ٶرتەنگەنٸ كٶرٸنەدٸ.
24 شٸلدەگە قاراعان تٷنٸ قاراعاندى وبلىسى سەتباەۆ قالاسىندا جوعالعان قىزدىڭ قاي پەتەردە ەكەنٸ انىقتالعان كەزدە ونداعان ادام كٷدٸكتٸنٸڭ پەتەرٸنٸڭ ماڭىنا جينالعان. بٸرنەشە جٸگٸت كٷدٸكتٸ پەتەر تەرەزەسٸن سىندىرىپ, ٸشكە كٸرمەك بولعان. تۇرعىندار وقيعا ورنىنا كەلگەن پوليتسەيلەردەن كٷدٸكتٸنٸ جازالاۋ ٷشٸن ونى قولعا تاپسىرۋدى سۇراعان.
جەرگٸلٸكتٸ بيلٸك پەن پوليتسييانىڭ حابارلاۋىنشا, اۋرۋحانادا تەكسەرٸلگەن 5 جاسار قىز قازٸر اتا-اناسىنىڭ جانىندا.
26 شٸلدەدە جەرگٸلٸكتٸ اقپارات قۇرالدارىندا كٸشكەنتاي قىزدىڭ اتا-اناسىنىڭ مەلٸمدەمەسٸ جارييالاندى. وندا مەلٸمدەمە اۆتورلارى بالانى تابۋعا كٶمەكتەسكەن ەرٸكتٸلەرگە العىس ايتقان. بۇعان قوسا قولدانۋشىلاردان قىزىنىڭ سۋرەتٸن جەنە وقيعا تۋرالى ينتەرنەتتە جالعان اقپارات تاراتپاۋدى سۇراعان. اتا-انالار سونىمەن بٸرگە قارجىلاي كٶمەككە زەرۋ ەمەستٸگٸن, ٶزدەرٸ ٷشٸن اقشا جيناۋ قاجەت ەمەس ەكەنٸن ايتقان.
