دەرەككوز: Abai.kz
وقيعا 4 اقپان كۇنى تۇندە بولعان. سارىاعاش اۋدانىنا قاراستى بوستاندىق اۋىلىنا جاقىن جەردە كورشى ىنتىماق اۋلىنىڭ تۇرعىنى، 1985 جىلى تۋعان ب.د.ارتىقوۆتىڭ ءمايىتى تابىلعان. ءمايىتتىڭ دەنەسىندە پىشاقتاۋدان قالعان اۋىر جاراقات ىزدەرى بار.
كىسى ءولىمى بويىنشا قىلمىس ءىس قوزعالىپ، كۇدىكتى رەتىندە سارىاعاش اۋدانىنا قاراستى بوستاندىق اۋىلىنىڭ تۇرعىنى 1976 جىلى تۋعان نارمەتوۆ ىزدەستىرىلىپ جاتىر.
قىلمىسقا اپارعان وقيعاعا نارمەتوۆ جالعا الىپ وتىرعان ارتىقوۆتىڭ جىلىجايىنا بايلانىستى جاعداي سەبەپ بولعان كورىنەدى.
وسى وقيعادان كەيىن، 5 اقپان كۇنى ارتىقوۆتىڭ اۋىلداستارى، ءبىر توپ جاس كورشىلەس اۋىلعا كەلىپ، بىرنەشە ماشينانى ورتەپ، بىردى-ەكىلى ۇيگە شىعىن كەلتىرگەن.
بۇل تارتىپسىزدىكتەردى دەر ۋاقىتىندا پوليسيا توقتاتقان. ءقازىر وقيعا بولعان اۋىلدا تىنىشتىق ورناپ، قۇزىرلى ورىندار جۇمىس ىستەپ جاتىر.
youtube ۆيدەو جەلىسىنىڭ گراجدانين رك جانە ەربول تۋلەگەنوۆ اتتى قولدانۋشىلارىنىڭ كانالىنان الىنعان سارىاعاشتا بولعان وقيعاعا قاتىستى ۆيدەولار:
https://www.youtube.com/watch؟feature=player_embedded&v=ObNvTRCuZT4
https://www.youtube.com/watch؟feature=player_embedded&v=zjPtMOzDAN8
