شارانى ۇيىمداستىرۋشىلار قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ مەملەكەت تاريحى ينستيتۋتى مەن استانا قالاسىنىڭ ىشكى ساياسات باسقارماسى بولدى.
قۇتتىقتاۋ سوزبەن قازاقستان رەسپۋبليكاسى پارلامەنتى سەناتىنىڭ دەپۋتاتى نۇرتورە بايتىلەس ۇلى ءجۇسىپ جانە استانا قالاسى ىشكى ساياسات باسقارماسىنىڭ باسشىسى نۇرداۋلەت ءيمانالى ۇلى ءالمۇحانوۆ سويلەدى.
سونداي-اق مەملەكەت تاريحى ينستيتۋتىنىڭ ديرەكتورى PhD نۇربەك سەرىك ۇلى پۇسىرمانوۆ جانە قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ (قسزي) ستراتەگيالىق تالداۋ ءبولىمىنىڭ باسشىسى ەرمەك باۋىرجان ۇلى توقتاروۆ بايانداما جاسادى.
دوڭگەلەك ۇستەل اياسىندا جوشى ۇلىسىنىڭ 800 جىلدىعىنا وراي «قازاق حاندىعى تاريحىنداعى شيباندار (شەيباندار، شايباقتار) اۋلەتى (ءىبىر-سىبىر، دەشتى-قىپشاق، ماۋەرەنناحر ايماقتارىندا)» حالىقارالىق زەرتتەۋ توبىنىڭ ۇجىمدىق مونوگرافياسىنىڭ (قازاقستان، رەسەي، تاجىكستان) سالتاناتتى تۇساۋكەسەرى ءوتتى. مونوگرافيادا جوبا اياسىندا زەرتتەۋ تاقىرىبىنا قاتىستى انىقتالعان جانە تاريح عىلىمىندا بۇرىن قولدانىلماعان جاڭا ەڭبەكتەر، مۇراعاتتىق قۇجاتتار، كارتالار مەن يلليۋستراسيالار قامتىلعان.
ءىس-شاراعا ق ر پارلامەنتىنىڭ وكىلدەرى، قوعام جانە مەملەكەت قايراتكەرلەرى، عىلىمي-ساراپشىلىق ۇيىم قىزمەتكەرلەرى، ازاماتتىق قوعام وكىلدەرى، استانا قالاسىنداعى جوو عالىمدارى جانە ب ا ق وكىلدەرى قاتىستى.
