سارانداعى جىلىتۋ ماۋسىمىندا ولقىلىق جىبەرگەندەر ەسكەرتۋ الدى، - دەپ حابارلايدى Dalanews.kz.
ساران قالاسىنىڭ اكىمى ەركىن باۋلىقوۆ پەن قاراعاندى وبلىسىنىڭ ەنەرگەتيكا جانە تكش باسقارماسىنىڭ باسشىسى تىلەكتەس دوسايەۆ قاتاڭ سوگىس الدى. وبلىس اكىمىنىڭ ءبىرىنشى ورىنباسارى ازامات تايجانوۆقا ەسكەرتۋ تۇرىندە تارتىپتىك جازا جاريالاندى.
بۇل تۋرالى وبلىس اكىمى ەرماعانبەت بولەكپايەۆ اپپاراتتىق كەڭەستە مالىمدەدى.
"ءوزىنىڭ قىزمەتتىك مىندەتتەرىن تيىسىنشە ورىنداماعانى ءۇشىن، اتاپ ايتقاندا، جىلىتۋ ماۋسىمىنا دايىندىقتى جەتكىلىكسىز تۇردە باقىلاعانى ءۇشىن مەنىڭ ءبىرىنشى ورىنباسارىما ەسكەرتۋ تۇرىندە تارتىپتىك جازا قولدانىلسىن. ساران قالاسىنىڭ اكىمى مەن ەنەرگەتيكا جانە تكش باسقارماسىنىڭ باسشىسىنا قاتاڭ سوگىس جاريالانسىن. قىس مەزگىلىندە ساپالى جىلۋمەن قامتاماسىز ەتۋ مىندەتى ءبىز ءۇشىن باسىم ەكەنىن تاعى دا ەسكە سالعىم كەلەدى. جۇمىس تۇراقتى تۇردە جۇرگىزىلۋى كەرەك! ءار جاعداي بويىنشا قاتاڭ باعا بەرىلىپ، جاۋاپكەرشىلىك دارەجەسى انىقتالادى"، – دەدى ءوڭىر باسشىسى.
ساران قالاسىنىڭ اكىمى قالاداعى جىلۋ جاعدايى تۋرالى باياندادى. ونىڭ ايتۋىنشا، بارلىق جەرگىلىكتى قازاندىق شتاتتىق رەجيمدە جۇمىس ىستەپ تۇر، وتىن قورى قامتاماسىز ەتىلگەن.
"كەيبىر ۇيلەر بويىنشا قالالىق چاتقا تۇسەتىن سۇراقتار جەدەل قارالادى"، - دەپ سەندىردى ەركىن باۋلىقوۆ.
ايتا كەتەيىك، بۇعان دەيىن ساران قالاسىنىڭ تۇرعىندارى ۇيلەرىندە جىلۋ جوعىن ايتىپ شاعىمداندى. كەيىن بۇل ماسەلە ۇكىمەت وتىرىسىندا قارالدى.
"بۇل – ساران قالاسى اكىمىنىڭ جەكە جاۋاپكەرشىلىگى جانە وبلىس اكىمدىگى تاراپىنان ءتيىستى باقىلاۋدىڭ جوقتىعى"، - دەپ سىنادى ولجاس بەكتەنوۆ.
