سوتتى بولعان ەكس-مينيستر جاقسىلىق دوسقاليەۆ Adal adam Youtube-ارناسىنا بەرگەن سۇحباتىندا بالا اسىراپ الۋ ٸسٸنە قاتىسى بارلاردى تەكسەرۋگە قاتىستى پٸكٸر بٸلدٸردٸ, - دەپ حابارلايدى Dalanews.kz.
"قوعام تاراپىنان كەيبٸر پٸكٸر ايتىلىپ جاتىر. سۋدىڭ دا سۇراۋى بار. ۇلتىمىزدىڭ ەڭ قيماسىن جاتقا اسىرۋدى قوس قولداپ,ٷگٸت ناسيحاتىن جٷرگٸزگەن ادامداردى تەكسەرۋ كەرەك شىعار" دەپ. مىسالى, "بٶبەك" قورىنىڭ باسشىسى سارا الپىسقىزى, "ميلوسەرديە" قورىنىڭ ارۋجان ساين دەگەن سيياقتى. وسى كٸسٸلەر گااگا كونۆەنتسيياسىنا سٷيەنٸپ, شەتەلگە بالا اسىرىپ جٸبەرۋدٸڭ پايداسى زور ەكەنٸن ايتتى عوي كەزٸندە. قازٸر دە ايتىپ جٷرگەندەر بار. وسىلاردى تەكسەرۋ كەرەك دەپ ويلامايسىز با?" - دەپ سۇرادى جۋرناليست بۇرىنعى شەنەۋنٸكتەن.
بۇرىنعى دەنساۋلىق مينيسترٸ بۇل ساۋالعا قىسقا جاۋاپ بەردٸ.
"ەگەر دە قىلمىس بولسا, زاڭبۇزۋشىلىق بولسا, زاڭدى بەلٸنەن باسىپ جاتقان جاعداي بولسا, ونى تەكسەرۋ كەرەك دەپ سانايمىن. ەگەر دە زاڭ شەڭبەرٸندە جاسالعان نەرسە بولسا, وعان ۋاقىتتى توزدىرۋ قاجەتٸ جوق دەپ سانايمىن", - دەپ قىسقا قايىردى دوسقاليەۆ.
