پاۆلودار مۇناي-حيمييا زاۋىتى اي-95 جەنە اي-98 بەنزينٸن قۇيعاننان كەيٸن كٶلٸكتەرٸندە اقاۋ پايدا بولعانىن ايتقان جٷرگٸزۋشٸلەردٸڭ شاعىمدارىنا بايلانىستى تەكسەرٸلەدٸ. بۇل تۋرالى ەنەرگەتيكا مينيسترٸ ەرلان اقكەنجەنوۆ مەلٸمدەدٸ, دەپ حابارلايدى Dalanews.kz «مولودوي كابىلتاەۆ» Telegram ارناسىنا سٸلتەمە جاساپ.
مينيستردٸڭ ايتۋىنشا, جاعدايدى انىقتاۋ ٷشٸن ونىڭ ورىنباسارى زاۋىتقا اتتانعان. ماماندار جانارماي ٶندٸرۋ بارىسىندا تالاپتاردىڭ بۇزىلعان-بۇزىلماعانىن تەكسەرمەك.
ەرلان اقكەنجەنوۆ بەنزين شىعارۋ كەزٸندە تەحنولوگييالىق اقاۋ بولۋى مٷمكٸن ەكەنٸن دە جوققا شىعارمادى. الايدا مەسەلەنٸڭ ناقتى سەبەبٸ ەزٸرگە بەلگٸسٸز. جانارماي قۇيۋ ستانتسييالارى جاۋاپكەرشٸلٸكتٸ مۇناي ٶڭدەۋ زاۋىتىنا جٷكتەسە, زاۋىت ٶكٸلدەرٸ مەسەلە ازس جەلٸلەرٸنەن تۋىنداۋى مٷمكٸن ەكەنٸن العا تارتىپ وتىر.
مينيستر جٷرگٸزۋشٸلەردەن بٸرنەشە كٷن كٷتە تۇرۋدى سۇرادى. ونىڭ مەلٸمەتٸنشە, اتىراۋ مۇناي ٶڭدەۋ زاۋىتىنان جٶنەلتٸلگەن بەنزيننٸڭ جاڭا پارتيياسى جولدا كەلە جاتىر.
"بارلىعىن انىقتاپ, جۋىق ارادا بۇل مەسەلەگە نٷكتە قويامىز", - دەدٸ ەرلان اقكەنجەنوۆ.
