Pavlodar munai-himiia zaýyty AI-95 jáne AI-98 benzinin quiǵannan keiin kólikterinde aqaý paida bolǵanyn aitqan júrgizýshilerdiń shaǵymdaryna bailanysty tekseriledi. Bul týraly Energetika ministri Erlan Aqkenjenov málimdedi, dep habarlaidy Dalanews.kz «Molodoi Kabyltaev» Telegram arnasyna silteme jasap.
Ministrdiń aitýynsha, jaǵdaidy anyqtaý úshin onyń orynbasary zaýytqa attanǵan. Mamandar janarmai óndirý barysynda talaptardyń buzylǵan-buzylmaǵanyn teksermek.
Erlan Aqkenjenov benzin shyǵarý kezinde tehnologiialyq aqaý bolýy múmkin ekenin de joqqa shyǵarmady. Alaida máseleniń naqty sebebi ázirge belgisiz. Janarmai quiý stantsiialary jaýapkershilikti munai óńdeý zaýytyna júktese, zaýyt ókilderi másele AZS jelilerinen týyndaýy múmkin ekenin alǵa tartyp otyr.
Ministr júrgizýshilerden birneshe kún kúte turýdy surady. Onyń málimetinshe, Atyraý munai óńdeý zaýytynan jóneltilgen benzinniń jańa partiiasy jolda kele jatyr.
"Barlyǵyn anyqtap, jýyq arada bul máselege núkte qoiamyz", - dedi Erlan Aqkenjenov.
