ايماق باسشىسىنىڭ اي سايىنعى الاتىن جالاقىسى 863 مىڭ تەڭگە ەكەن. اقتوبە وبلىسى باسشىلىعى اي سايىن جالپى 3 ميلليون 300 مىڭ تەڭگە الادى. بۇل سوماعا اكىمنىڭ جالاقىسىمەن قاتار بەس ورىنباسارىنىڭ جالاقىلارى كىرەدى. اتاپ ايتار بولساق، عالي ىسقالييەۆ – 461 000 تەڭگە، جاڭاباي بەكسارى – 503 000 تەڭگە، اسقار بياحمەتوۆ – 507 000 تەڭگە، اسقار شەريازدانوۆ – 511 000 تەڭگە جانە مۇحتار جۇماعازييەۆ – 518 000 تەڭگە.
ال اقتوبە قالاسىنىڭ اكىمى ءىلياس ىسپانبەتوۆ 451 000 تەڭگە جالاقى الادى. ونىڭ ورىنباسارلارىنىڭ جالاقىسى بۇعان قاراعاندا ازداۋ: جاندوس بايىرحانوۆ – 194 000، قۋانتقان ءالىموۆ - 203 000، ناعىمجان الدياروۆ – 194 000، ماديار قابىل – 199 000 تەڭگە. اقتوبە اكىمى اپپاراتىنىڭ جەتەكشىسى قايرات رايىمقۇلوۆ بولسا 161 مىڭ تەڭگە جالاقى الادى. قالا باسشىسى مەن ونىڭ ورىنباسارلارىنىڭ جانە اپپارات جەتەكشىسىنىڭ جالاقىلارىن قوسقاندا اي سايىن ءبىر ميلليون 402 مىڭ تەڭگە شىعىپ وتىر.
دەرەككوزى: kaz.tengrinews.kz
