«ساپاربايەۆ بەردىبەك ماشبەك ۇلى قازاقستان رەسپۋبليكاسى پرەمەر-مينيسترىنىڭ ورىنباسارى قىزمەتىنەن بوساتىلىپ، جامبىل وبلىسىنىڭ اكىمى ەتىپ تاعايىندالسىن» دەلىنگەن جارلىقتا.
بەردىبەك ساپاربايەۆ 1953 جىلى قىزىلوردا وبلىسىندا دۇنيەگە كەلگەن.
ەڭبەك جولىن 1969 جىلى «زادارينسكيي» سوۆحوزىنىڭ جۇمىسشىسى رەتىندە باستاعان. 1977 جىلى الماتى حالىق شارۋاشىلىعى ينستيتۋتىن ەكونوميست ماماندىعى بويىنشا ءبىتىردى. ينستيتۋتتى بىتىرىسىمەن رەسپۋبليكالىق مەملەكەتتىك ەڭبەك جيناقتاۋ كاسسالارى باسقارماسىندا ەكونوميست بولىپ ەڭبەك ەتتى.
ءتۇرلى جىلدارى بەردىبەك ساپاربايەۆ پرەزيدەنت اپپاراتىندا، مينيسترلەر كابينەتى اپپاراتىندا، قازكسر قارجى مينيسترلىگىندە، ق ر كەدەندىك باقىلاۋ اگەنتتىگى مەن كوميتەتىندە، ق ر قارجى مينيسترلىگىندە باسشىلىق قىزمەتتەردى اتقارعان. قىزىلوردا، وڭتۇستىك قازاقستان، شىعىس قازاقستان، اقتوبە وبلىستارىنىڭ اكىمى، ەكونوميكا جانە بيۋدجەتتىك جوسپارلاۋ ۆيسە-مينيسترى، ەڭبەك جانە حالىقتى الەۋمەتتىك قورعاۋ ءمينيسترى قىزمەتتەرىن اتقارعان. 2019 جىلعى تامىزدان باستاپ ق ر پرەمەر-مينيسترىنىڭ ورىنباسارى لاۋازىمىن اتقاردى.
