بۇگىنگى الەم دامۋىنىڭ جاڭا ۇستانىمى ءبىلىم بەرۋ جۇيەسىنىڭ ەكونوميكالىق، الەۋمەتتىك-مادەني وزگەرىستەرگە مەيلىنشە بەيىم بولۋىن تالاپ ەتەدى. الەم ءقازىر «ءبىلىم قوعامىن» جانە «ءبىلىم ەكونوميكاسىن» قۇرۋ باعىتىندا. 

قازىرگى ۋاقىتتا اقپاراتتىق-كوممۋنيكاسيالىق تەحنولوگيا­لاردىڭ زاماناۋي تالاپتارعا ساي ­دامۋى ءبىلىمدى باعالاۋ جانە پايدالانۋ جۇيەسىن ۋاقىتىلى وزگەرتىپ ­وتىرۋدى تالاپ ەتەدى. وسىعان بايلانىستى وقىتۋدا قولدانىلاتىن ءادىس-تاسىل، ادىستەمە، تەحنولوگيالار ءبىلىم بەرۋ تالاپتارىنا بايلانىس­تى جاڭارتىلىپ وتىرادى. ساپالى تەرەڭ ءبىلىمدى مەڭگەرۋگە تالپىنعان وسكەلەڭ ۇرپاقتىڭ جەتكىلىكتى ءدا­رەجەدە ساندىق ساۋاتتىلىعى بار، سەبەبى ولار ءومىر جاعدايلارى بارىسىندا جاڭا تەحنولوگيانىڭ بارلىق مۇمكىندىگىن پايدالانادى. سول مۇمكىندىكتى ناتيجەلى قولدانۋ وقىتۋشىلاردىڭ بىلىكتىلىگىنە، بىلىمىنە، تاجىريبەسىنە بايلانىستى.

مەملەكەت باسشىسىنىڭ تاپسىرماسى بويىنشا «ءبىلىمدى ۇلت» ساپالى ءبىلىم بەرۋ» ۇلتتىق جوباسى  جۇزەگە اسىرىلۋدا. ۇلتتىق جوبا ساپالى ءبىلىم الۋعا قولجەتىمدىلىكتى كەڭەيتۋگە مۇمكىندىك بەرەدى. ۇلتتىق جوبا ازىرلەۋ بارىسىندا قوعام وكىلدەرىمەن، ءبىلىم بەرۋ سالاسىنداعى ساراپشىلارمەن تالقىلانىپ، بارلىق مۇددەلى مەملەكەتتىك ورگانمەن پىسىقتالعانى بارىمىزگە بەلگىلى.ۇلتتىق جوبا بەس مىندەتتەن قۇرالعان ءتورت باعىتتان تۇرادى. «ءبىلىمدى ۇلت» ساپالى ءبىلىم بەرۋ» ۇلتتىق جوباسى ءبىلىم بەرۋ جۇيەسىنىڭ باسەكەگە قابىلەتتىلىگى مەن حالىقارالىق بەدەلىن ارتتىرۋ ماقساتىندا جاسالعان. ءبىلىم – ءححى عاسىردا نەگىزگى كاپيتالعا اينالدى. الەمنىڭ دامىعان ەلدەرى وسى قۇندىلىققا ۇلكەن ءمان بەرىپ، ءبىلىم ساپاسىنا بۇرىنعىدان دا جوعارى دەڭگەيدە كوڭىل بولە باستاعانىن بايقايمىز. سەبەبى ساپالى ءبىلىم – ەكونوميكانىڭ دۇرىس قالىپتاسۋىنا، قوعامنىڭ كەمەلدەنۋىنە، ەلدىڭ دامۋىنا كەڭ جول ­اشادى. 

     بۇگىنگى تاڭدا ءبىلىم سالاسى باسەكەگە قابىلەتتىلىكتىڭ ولشەمىنە اينالىپ وتىر. الەمدەگى كوشباسشى ەلدەر ەڭ الدىمەن ءبىلىم مەن عىلىمدى دامىتۋعا كۇش سالىپ، زور جەتىستىكتەرگە جەتۋدە. وسى ورايدا ءار ەلدىڭ وركەندەۋىنە نەگىز بولاتىن بىردەن-بىر كۇش – ول ۋنيۆەرسيتەتتەر دەپ ايتار ەدىك. ويتكەنى وندا ساپالى ماماندار دايارلانادى. ماسەلەن، ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم العان بىلىكتى ماماندار دا ەلىنىڭ كەلەشەگىنە ءوز ۇلەستەرىن قوسۋدا. بۇل ءۇردىس بۇگىنگى كۇندە دە جالعاسىن تاۋىپ كەلە جاتىر. قازۇۋ ءداستۇر ساباقتاستىعىن ساقتاي وتىرىپ، زامانعا ساي جاڭعىرۋدا. ستۋدەنتتەردىڭ الاڭسىز ءبىلىم الۋىنا بارلىق جاعداي جاسالعان. وسى ورايدا ايتا كەتەتىن جايت.بۇۇ-نىڭ باستاۋىمەن العاش رەت «تۇراقتى دامۋ» كونسەپسياسى ۇسىنىلدى. تۇراقتى دامۋ ماقساتتارىنىڭ ىشىندەگى 4-ماقسات: «بارلىعىنا ساپالى ءبىلىم» ەكەنىن العا تارتقىم كەلەدى.

ساپالى ءبىلىم بەرۋ جولىندا زاڭ فاكۋلتەتىنىڭ پروفەسسورلىق-وقىتۋشىلار قۇرامى ايانباي ەڭبەك ەتۋدە.

 

زابيح ش.ا

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ،ەڭبەك قۇقىعى كافەدراسىنىڭ دوسەنتى،زاڭ عىلىمدارىنىڭ دوكتورى

 

ابايدەلدينوۆ ت.م

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسىنىڭ وقىتۋشىسى،ز.ع.ك