بوكستان ەلەمنٸڭ ەكٸ دٷركٸن چەمپيونى سانجار تەشكەنبايدىڭ الداعى سپورتتىق مانسابىنا قاتىستى جاڭا پٸكٸر ايتىلدى, دەپ حابارلايدى dalanews.kz.
سانجار تەشكەنباي 2023 جىلى 48 كەلٸ سالماقتا ەلەم چەمپيونى اتانسا, اراعا ەكٸ جىل سالىپ 50 كەلٸدە تاعى دا التىن مەدال جەڭٸپ الدى.
الايدا قازٸرگٸ تاڭدا ونىڭ ٶنەر كٶرسەتەتٸن سالماعى وليمپيادا باعدارلاماسىنا كٸرمەيدٸ. حالىقارالىق وليمپيادا كوميتەتٸ مەن World Boxing تالاپتارىنا سەيكەس, ەرلەر اراسىنداعى وليمپيادالىق سالماق دەرەجەلەرٸ 55 كەلٸدەن باستالادى.
وسىعان بايلانىستى قازاقستاندىق بوكسشىنىڭ كەلەشەكتە قاي باعىتتى تاڭدايتىنى جانكٷيەرلەر اراسىندا تالقىلانىپ جاتىر.
سپورت ماماندارىنىڭ پٸكٸرٸنشە, سانجار تەشكەنبايعا 55 كەلٸگە اۋىسۋ وڭاي بولمايدى. سەبەبٸ بۇل سالماقتا قازاقستان قۇراماسىندا ماحمۇد سابىرحان بار. سونىمەن قاتار ول تەشكەنبايدىڭ 55 كەلٸدە ٶز مٷمكٸندٸگٸن تولىق كٶرسەتە الماۋى ىقتيمال ەكەنٸن ايتقان.
"بۇل ٶتە ٶكٸنٸشتٸ جاعداي. سانجاردىڭ سالماعىن اياق استىنان وليمپيادالىق باعدارلاماعا ەنگٸزبەي تاستادى. وسىلايشا ەلەمنٸڭ كٶپتەگەن مىقتى بوكسشىسى باستى دوداعا قاتىسا الماي قالدى. مەنٸڭ ويىمشا, سانجارعا 55 كەلٸگە اۋىسۋدىڭ قاجەتٸ جوق: ول جەردە ماحمۇد سابىرحان بار, ەرٸ سانجاردىڭ ٶزٸ بۇل سالماقتا تولىق اشىلا المايدى. ٶز سالماعىندا قالىپ, قاجەت بولسا كەسٸپقوي بوكسقا ٶتسە دە بولادى. بٸراق مٸندەتتٸ تٷردە مانسابىن جالعاستىرۋى كەرەك. تٸپتٸ ەرلەر بوكسىندا تاريحتا العاش بولىپ ٷش دٷركٸن ەلەم چەمپيونى اتانۋى دا ەبدەن مٷمكٸن. سانجاردا ونداي مٷمكٸندٸك بار", – دەيدٸ سپورت ماماندارى.
