Bokstan álemniń eki dúrkin chempiony Sanjar Táshkenbaidyń aldaǵy sporttyq mansabyna qatysty jańa pikir aityldy, dep habarlaidy dalanews.kz.
Sanjar Táshkenbai 2023 jyly 48 keli salmaqta álem chempiony atansa, araǵa eki jyl salyp 50 kelide taǵy da altyn medal jeńip aldy.
Alaida qazirgi tańda onyń óner kórsetetin salmaǵy Olimpiada baǵdarlamasyna kirmeidi. Halyqaralyq Olimpiada komiteti men World Boxing talaptaryna sáikes, erler arasyndaǵy olimpiadalyq salmaq dárejeleri 55 keliden bastalady.
Osyǵan bailanysty qazaqstandyq boksshynyń keleshekte qai baǵytty tańdaityny jankúierler arasynda talqylanyp jatyr.
Sport mamandarynyń pikirinshe, Sanjar Táshkenbaiǵa 55 kelige aýysý ońai bolmaidy. Sebebi bul salmaqta Qazaqstan quramasynda Mahmud Sabyrhan bar. Sonymen qatar ol Táshkenbaidyń 55 kelide óz múmkindigin tolyq kórsete almaýy yqtimal ekenin aitqan.
"Bul óte ókinishti jaǵdai. Sanjardyń salmaǵyn aiaq astynan olimpiadalyq baǵdarlamaǵa engizbei tastady. Osylaisha álemniń kóptegen myqty boksshysy basty dodaǵa qatysa almai qaldy. Meniń oiymsha, Sanjarǵa 55 kelige aýysýdyń qajeti joq: ol jerde Mahmud Sabyrhan bar, ári Sanjardyń ózi bul salmaqta tolyq ashyla almaidy. Óz salmaǵynda qalyp, qajet bolsa kásipqoi boksqa ótse de bolady. Biraq mindetti túrde mansabyn jalǵastyrýy kerek. Tipti erler boksynda tarihta alǵash bolyp úsh dúrkin álem chempiony atanýy da ábden múmkin. Sanjarda ondai múmkindik bar", – deidi sport mamandary.
