"سامۇرىق‑قازىنا" اق باسقارما ءتوراعاسى نۇرلان جاقىپوۆ 2022–2024 جىلدارعا ارنالعان تابىس دەكلاراسياسىن جاريالادى، دەپ حابارلايدى Dalanews.kz.

مالىمەتتەرگە سۇيەنسەك، شەنەۋنىك 2022 جىلى 422 182 000 تەڭگە، 2023 جىلى – 186 543 551 تەڭگە، 2024 جىلى – 197 259 412 تەڭگە تاپقان.

ءۇش جىلداعى جالپى تابىس مولشەرى 805 984 963 تەڭگەنى قۇرادى.

سونىمەن قاتار باسقارما مۇشەسى، دامۋ جانە مەملەكەتتىك مۇلىكتى جەكە مەنشىككە بەرۋ (پريۆاتيزاسيا) بويىنشا باسقارۋشى ديرەكتور سالتانات ءساتجان 2024 جىلى 8 273 745 تەڭگە تاپقانىن جاريالادى.

باسقارۋشى وكىلدىكتىڭ پەكيندەگى باسشىسى ساكەن مۇرات ۇلىنىڭ جۇبايى گۇلنۇر نۇركەيەۆا 2024 جىلى 96 314 355 تەڭگە تابىس تاپقانىن دەكلاراسيالاعان.