وسى ورايدا بارشا «سامۇرىق-قازىنا» اق كومپانيالار توبىنىڭ اتىنان قايىرىمدىلىق قىزمەتىمەن اينالىساتىن «Samruk-Kazyna Trust» قورى اتىراۋدا باستالىپ، جاڭاوزەندە جالعاسىن تاپقان باسپا ءسوز تۋرىن اقتاۋ قالاسىندا اياقتادى.
بۇگىن ءتيىستى شارالارعا قاتىسۋشىلار وبلىس ورتالىعىنداعى بارلىق الەۋمەتتىك باسىم باعىتتا ىسكە اسىرىلعان نىساندار جۇمىسىمەن تانىستى. ونىڭ ىشىندە «قامقورلىق» وڭالتۋ جانە ەرتە ارالاسۋ ورتالىقتارى اشىلدى.
جالپى، 2016 جىلدان باستاپ، ماڭعىستاۋ وبلىسىندا «Samruk-Kazyna Trust» قورىنىڭ قولداۋىمەن 4،2 ميلليارد تەڭگەدەن استام سوماعا 42 الەۋمەتتىك جوبا ىسكە اسىرىلدى. بيىل عانا وڭىردە 1،8 ملرد تەڭگە سوماعا 8 جوبا ماقۇلداندى.
سونىمەن، بۇگىنگى باسپا ءسوز تۋرى بارىسىندا، وبلىستىق كوپسالالى بالالار اۋرۋحاناسى اياسىندا بىردەن ەكى «قامقورلىق» بالالار ەمدەۋ مەكەمەسىنىڭ – ەرتە ارالاسۋ مەن وڭالتۋ ورتالىقتارىنىڭ سالتاناتتى اشىلۋى ءوتتى. جوبانىڭ ماقساتى – سەرەبرالدى سال اۋرۋى مەن نەيرو-ورتوپەديالىق بۇزىلۋلار دياگنوزى قويىلعان بالالاردى زاماناۋي جانە ساپالى وڭالتۋعا قاجەتتى جاعداي جاساۋ. ءار ورتالىق جىلىنا 600 بالانى تەگىن قابىلداي الادى. بۇل وڭالتۋدان ورتالىقتارىنا قابىلدانۋ ۋچاسكەلىك پەدياتردىڭ جولداماسىن الۋ قاجەت. جوبا بيۋدجەتى 261،5 ملن تەڭگەنى قۇرادى.
– بۇرىن اقتاۋدا وڭالتۋ ورتالىعى بولماعان، ءبىز الماتى مەن استاناعا بارىپ ەمدەلىپ جۇردىك. ەندى قالامىزداعى «قامقورلىق» ورتالىعىنا كەلىپ ەم الىپ جۇرگەنىمىزگە وتە قۋانىشتىمىز. بالامنىڭ جاسى ءقازىر التىدا، ونىڭ كورسەتىپ جاتقان ناتيجەلەرى مەنى قاتتى قۋانتۋدا. «سامۇرىق-قازىنا» دەمەۋشىلىگىنىڭ جانە وڭالتۋ ورتالىعىنىڭ اشىلۋىنىڭ ارقاسىندا مەكتەپكە ۋاقىتىندا بارامىز دەگەن ويدامىن، – دەدى اقتاۋ قالاسىنىڭ تۇرعىنى كامشات ەشنيازوۆا.
– ءبىز استانادان كەلگەن مامانداردان ءبىلىم الدىق، قور زاماناۋي جابدىقتار ساتىپ الىپ، قىزمەتكەرلەردىڭ جۇمىسى مەن ناۋقاستاردى ەمدەۋدە بارلىق جاعدايدى جاساۋدا. بۇگىننەن باستاپ بالالار ەم الۋعا كەلە باستادى، ولارعا ءقازىر قابىلداۋ كەستەلەرى دايىندالۋدا. ءبىز ءوز تاراپىمىزدان بالالارعا جان-جاقتى كومەك كورسەتۋ ءۇشىن بار كۇشىمىزدى سالامىز. ەرەكشە بالالارى بار كوپتەگەن وتباسىلارعا ءوز وتانىنان قاجەتتى مامانداردىڭ قىزمەتتەرىن الۋعا مۇمكىندىك بەرگەنى ءۇشىن دەمەۋشىلەرگە العىسىمىز شەكسىز، – دەدى «قامقورلىق» وڭالتۋ ورتالىعىنىڭ اعا مەدبيكەسى گۇلشات دوسىمبايەۆا.
وسى جىلدىڭ تامىز ايىندا ماڭعىستاۋ وبلىستىق پەريناتالدىق ورتالىعى «سامۇرىق-قازىنا» اق كومپانيالار توبىنان زاماناۋي گيپوتەرميا اپپاراتى مەن ەنسەفالوگرافيا مونيتورىن الدى. ورتالىق ديرەكتورى جاپىراق ەپەنوۆا اتالمىش ۋاقىت ىشىندە اپپارات بەس جاڭا تۋعان نارەستەنىڭ ءومىرى مەن دەنساۋلىعىن ساقتاپ قالعانىن ايتادى. ۇستىمىزدەگى جىلى گيپوتەرميا جابدىقتارىن شىمكەنت، ورال، تالدىقورعان، وسكەمەن قالالارىنىڭ پەريناتالدىق ورتالىقتارى دا يەلەندى. جوبانىڭ جالپى قۇنى 132 ميلليون تەڭگەنى قۇرادى.
«سالاماتتى بولاشاق» جوباسىن قولداۋ ارقىلى قازاقستان بويىنشا جاپپاي ەرەكشە قاجەتتىلىكتەرى بار بالالارعا ارنالعان بەيىمدەلگەن سپورت سەكسيالارىن اشۋ جالعاسۋدا. اقتاۋدا كاسىبي جاتتىقتىرۋشىلار 28 ەرەكشە بالاعا جاڭا پاراليمپيادالىق سپورت ءتۇرى – بوچچانى ۇيرەتۋدە. كەرەك قۇرال-جابدىق پەن جاتتىقتىرۋشىلاردىڭ جۇمىسىنا 2،9 ملن تەڭگە قاراجات ءبولىندى. اتاپ وتكەن ءجون، جوبا اياسىندا كەلەسى جىلى وسى سپورت تۇرىنەن العاشقى جارىستاردى وتكىزۋ جوسپارلانۋدا.
– بۇگىن ءبىز ماڭعىستاۋ وبلىسىندا «سامۇرىق-قازىنا» اق قولداۋىمەن جۇزەگە اسىرىلىپ جاتقان ءبىرقاتار نىسانداردى كوردىك. اقتاۋ ءۇشىن كوپتەن كۇتكەن ءىس-شارانىڭ ءبىرى – «قامقورلىق» وڭالتۋ ورتالىعىنىڭ اشىلۋى بولدى. ەندى مۇندا ەرەكشە قاراۋدى قاجەت ەتەتىن بالالار ەمدەلىپ، وڭالتۋدان وتە الادى. قوردىڭ كوپتەگەن باستامالارى مەملەكەت باسشىسىنىڭ زاماناۋي ينكليۋزيۆتى قوعام قۇرۋ جانە زاماناۋي مەديسينانى دامىتۋ تۋرالى تاپسىرمالارىنا ىلەسىپ كەلەدى، – دەپ العان اسەرىمەن ءبولىستى وبلىستىق ءماسليحات دەپۋتاتى ليۋدميلا مەڭدىعالييەۆا.
– ەرەكشە قاجەتتىلىكتەرى بار بالالارعا ارنالعان وڭالتۋ ورتالىقتارى مەن سپورت سەكسيالارىن اشۋ – بۇل ەرتەرەكتە ەلورداعا بارىپ ەمدەلۋگە ءماجبۇر بولعان بالالار مەن ولاردىڭ اتا-انالارى ءۇشىن ۇلكەن كومەك. سونداي-اق، ماڭعىستاۋ وبلىسىندا وتە كەرەك گيپوتەرميا اپپاراتى ءۇشىن العىسىمىزدى ايتامىز. وسىنداي ماڭىزدى جوبالاردى جۇزەگە اسىرىپ وتىرعان «سامۇرىق-قازىنا»، «AYALA» جانە «قامقورلىق» قورلارىنا ۇلكەن راحمەت. الداعى ۋاقىتتا دا سەرىكتەستىگىمىز جالعاسىن تابا بەرسىن! – دەپ تىلەگىن ءبىلدىردى ماڭعىستاۋ وبلىسى دەنساۋلىق ساقتاۋ باسقارماسىنىڭ باسشىسى امانبەك جۇمىروۆ.
ۇكىمەتتىك ەمەس ۇيىم وكىلدەرىنىڭ قايىرىمدىلىق قىزمەتىن قارجىلاندىرۋ تۋرالى وتىنىمدەرىن قاراۋ كەزىندە ينكليۋزيۆتى جوبالاردى قولداۋعا باسىمدىق بەرىلەدى. قوعامدا ينكليۋزيا ينستيتۋتىنىڭ دامۋى - بارلىق ادامنىڭ دەنساۋلىق جاعدايىنا، تۇرمىستىق جاي-كۇيىنە نەمەسە باسقا دا ايىرماشىلىقتارىنا قاراماستان ءبىلىم الۋعا، جۇمىسقا ورنالاسۋعا، سپورت سەكسيالارىنا، مادەني ءىس-شارالارعا جانە وزگە دە باعىتتارعا تەڭ قول جەتكىزۋگە جول اشادى.
ءۇش كۇننىڭ ىشىندە جي
نالعان جۇرتشىلىق اتىراۋ جانە ماڭعىستاۋ وبلىستارىنداعى «سامۇرىق-قازىنا» اق قارجىلىق قولداۋىمەن ىسكە اسىرىلعان 13 الەۋمەتتىك سالا نىسانىن ارالادى. ماقسات - قور قىزمەتىنىڭ اشىقتىعىن ارتتىرۋ جانە وڭىرلەردە جۇمىس ىستەيتىن الەۋمەتتىك جوبالاردى تانىستىرۋ بولدى.
«Samruk-Kazyna Trust» قورى «سامۇرىق-قازىنا» اق كومپانيالار توبىنىڭ ءبىرىڭعاي قايىرىمدىلىق وپەراتورى بولىپ تابىلادى جانە بۇكىل ەل بويىنشا الەۋمەتتىك جوبالاردى جۇزەگە اسىرادى. جوبالاردىڭ باستاماشىلارى پورتفەلدىك كومپانيالار مەن ۇكىمەتتىك ەمەس ۇيىم وكىلدەرى بولىپ تابىلادى.
