قارجىلىق مونيتورينگ اگەنتتٸگٸنٸڭ استانا قالاسى بويىنشا دەپارتامەنتٸ «Samruk-Kazyna Construction» اق باسقارۋشى ديرەكتورى مەن «دورسترويترەست» جشس باسشىسىنا قاتىستى تەرگەپ-تەكسەرۋدٸ اياقتادى, دەپ حابارلايدى Dalanews.kz.
ولار «كٶك-تٶبە» كٶپپەتەرلٸ تۇرعىن ٷي كەشەنٸنٸڭ قۇرىلىسىنا بٶلٸنگەن بيۋدجەت قاراجاتىن جىمقىردى دەگەن كٷدٸككە ٸلٸندٸ.
2022 جىلعى قاڭتاردا «Samruk-Kazyna Construction» اق مەن «دورسترويترەست» جشس اراسىندا قۇرىلىسقا ينۆەستيتسييا سالۋ تۋرالى كەلٸسٸمشارت جاسالىپ, 2,6 ملرد تەڭگە كٶلەمٸندە اۆانس تٶلەنگەن.
الايدا قۇرىلىس جۇمىستارى بەلگٸلەنگەن مەرزٸمدە اياقتالماعان جەنە ٶرەسكەل بۇزۋشىلىقتارمەن جٷرگٸزٸلگەن. ال اۆانس كٷدٸكتٸلەر تاراپىنان قۇرىلىسقا قاتىسى جوق قارىزداردى ٶتەۋگە جەنە اۆتوكٶلٸك ساتىپ الۋعا جۇمسالعان.
سونىمەن قاتار, 650 ملن تەڭگە جالعان شارتتار ارقىلى كومپانييالاردىڭ شوتتارىنا اۋدارىلىپ, قولما-قول اقشاعا اينالدىرىلعان.
قىلمىستىق جولمەن الىنعان كٸرٸسكە 23 ملن تەڭگە تۇراتىن ەكٸ اۆتوكٶلٸك ساتىپ الىنىپ, ولاردى تەركٸلەۋدەن جاسىرۋ ماقساتىندا سەنٸمدٸ ادامداردىڭ اتىنا رەسٸمدەلگەن.
سوت سانكتسيياسىمەن كٷدٸكتٸلەردٸڭ 170 ملن تەڭگە تۇراتىن بارلىق مٷلكٸنە – 5 اۆتوكٶلٸك پەن استاناداعى پەتەرگە تىيىم سالىندى.
كٷدٸكتٸلەرگە قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى تاڭدالدى.
«Samruk-Kazyna Construction» اق-نىڭ بۇرىنعى باسقارۋشى ديرەكتورى حالىقارالىق ٸزدەۋگە جارييالاندى.
