سالتانات نۇكەنوۆا قايتىس بولعان ءتۇنى بيشىمبايەۆ باسقا ايەلدەرمەن حات الماسىپ وتىرعان، - دەپ حابارلايدى Dalanews.kz.
WhatsApp-تاعى حاتتارعا سايكەس، 9 قاراشادا بيشىمبايەۆقا بلوگەر گۇلنارا ناسىربەكوۆا جازعان.
"سەنەن راۋشاننىڭ ءيىسى شىعادى"، - دەپ جازعان گۇلنارا ناسىربەكوۆا.
سول ءتۇنى بيشىمبايەۆ "يۋليا سۋپەر" اتتى قىزبەن دە سويلەسكەن. ايىپتالۋشى ول حاتتاردى وقىماۋدى، سەبەبى ول جەردە جەكە اڭگىمەلەر بارىن ايتقان.
الايدا سۋديا سوندا دا حاتتاردى وقىپ شىقتى.
ساعات 19.07، بيشىمبايەۆ: قالايسىڭ؟
يۋليا سۋپەر: ءبارى جاقسى، ءوزىڭ قالايسىڭ؟
19:24 بيشىمبايەۆ: نە ىستەپ جاتىرسىڭ؟ بوسسىڭ با؟
يۋليا سۋپەر: كىرپىك جاساتىپ جاتقانمىن.
19:36 يۋليا سۋپەر: "بوسپىن. قانشادا؟"
بيشىمبايەۆ سۋديا مەن پروكۋرورلارعا "يۋليا سۋپەر" كىم ەكەنىن اقىرى تۇسىندىرمەدى.
بۇعان دەيىن سوت وتىرىسىندا بيشىمبايەۆتىڭ نۇكەنوۆامەن سويلەسكەن حاتتارىنىڭ سكريندەرى وقىلىپ ەدى.
سوتتا 2023 جىلدىڭ 15 شىلدەسىندەگى اڭگىمەلەر وقىلدى. بيشىمبايەۆ بۇل حاتتاردى سكريندەپ العان.
_____
سالتانات: جاقسى، بىزگە بىرگە بولۋدى جازباعان ەكەن، قوش بول. رەنجىمەيمىن، ءبىراق ەندى جاقسى كورمەيمىن. جۇرەگىمنىڭ جارتىسىن جۇلىپ، delete جاسايمىن. مورالدىق جارىمجان نەمە
سالتانات: ءقازىر ەسىكتى سىندىرامىن، تۇتقانى كوتەر.
سالتانات: مەن ءۇشىن كوپ نارسە ىستەدىڭ. كيىمدەرىم مەن اشەكەيلەرىمدى جيناپ، ءبارىن سەن بەرگەنىڭدى ءتۇسىنىپ وتىرمىن. ءبارى ءۇشىن راقمەت. ءبارى وسىلاي اياقتالعانى وكىنىشتى، ءبىر-بىرىمىزدى باعالاي المادىق.
بيشىمبايەۆ: مەنى دە كەشىر، ءبارى جاقسى. ءبارى جاقسى بولادى. بىر-بىرىمىزگە دەگەن قۇرمەتتى، دوستىقتى جوعالتپايىق.
سالتانات: ءبىز كەزدەسكەن كەزدە مەندە ەشتەڭە جوق ەدى.
_____
سالتانات: ۇيدە جاقسى، جانىم جاي تاپتى.
بيشىمبايەۆتان اۋديوقوڭىراۋ.
____
سالتانات: سەن الماتىدا بولعان كەزدە وسى جەردە بولا تۇرايىن. قارسى ەمەسسىڭ دەپ ويلايمىن. وسى ۋاقىتتا كەلىسكەنىمىزدەي ويلانىپ، دۇرىس شەشىم قابىلدايىق. ءبىر اپتا ايعاي-شۋسىز دەمالىپ، تىنىشتالعىم كەلەدى.
بيشىمبايەۆ: جاقسى
