سالتانات نٷكەنوۆانىڭ اعاسى ايتبەك امانگەلدٸ قارىنداسىمەن سٶيلەسكەن ەڭگٸمەلەرٸنٸڭ بٸرٸن سوتتا وقىپ بەردٸ, - دەپ حابارلايدى Dalanews.kz.
بۇل ەڭگٸمە ايتبەك امانگەلدٸ قۋاندىق بيشٸمباەۆپەن پەتەردە تٶبەلەسٸپ قالعاننان كەيٸن بولعان.
"سەن ەڭ الدىمەن ٶزٸڭدٸ ويلاشى. جاۋاپ بەرشٸ, سەن باقىتتىسىڭ با? مەن جاققا كەلٸپ, مەنٸڭ ٷيٸمدە تۇرساڭ بولادى. (...) بٸزگە سەنٸڭ امان بولعانىڭ كەرەك", - دەگەن ايتبەك.
"يە, مەن ونى جاقسى كٶرەمٸن" - دەپ جاۋاپ بەرگەن سالتانات.
"ول سەنٸ ٶلتٸرٸپ تاستاۋى مٷمكٸن" - دەيدٸ ايتبەك.
"مەن ونسىز ٶمٸر سٷرە المايمىن" - دەگەن سالتانات.
"پسيحولوگپەن سٶيلەسشٸ. ٶزٸڭنٸڭ جەكە پسيحولوگىڭمەن سٶيلەس. سۋرەتتەردٸ كٶرسەت" - دەيدٸ ايتبەك.
"ەگەر اجىراسىپ كەتسەم ٶمٸر سٷرە المايمىن" - دەگەن سالتانات.
"ولار (پسيحولوگتار) ساعان بۇل ماحاببات ەمەس ەكەنٸن, بۇل پسيحيكالىق اۋىتقۋ ەكەنٸن تٷسٸندٸرەدٸ" - دەيدٸ ايتبەك.
"سەن ەشتەڭە بٸلمەيسٸڭ. ەۋەل باستان مەن ٶزٸم كٸنەلٸمٸن. بٸزدٸڭ وقيعامىزدى بٸلمەيسٸڭ عوي" - دەگەن سالتانات.
"سەن ونى قانشالىق جاقسى كٶرسەڭ دە مەن ونى ٶلتٸرەمٸن. ساعان ونداي قارىم-قاتىناس جاساۋىنا جول بەرمەيمٸن" - دەگەن ايتبەك.
"ول مەنٸڭ كٷيەۋٸم عوي" - دەگەن سالتانات.
"سوندا دا بۇل دۇرىس ەمەس. ول سەنٸڭ تەك جٸگٸتٸڭ عانا. سەندەر ٷيلەنبەگەنسٸڭدەر" - دەيدٸ ايتبەك.
ايتا كەتەيٸك, سالتانات نٷكەنوۆا مەن قۋاندىق بيشٸمباەۆ تەك نەكەلەرٸن قيدىرعان. زاڭدى نەكەگە تۇرماعان.
بۇعان دەيٸن ايتبەك امانگەلدٸ سوت وتىرىسىندا قۋاندىق پەن سالتانات قالاي تانىسىپ بەرگەنٸن ايتقان بولاتىن.
سونىمەن قاتار, سوتتا سالتاناتتىڭ اعاسى قارىنداسىنىڭ كٶزٸ كٶگەرگەن كەزٸن كٶرسەتتٸ.
