مەسكەۋدٸڭ ساۆەلوۆسكيي اۋداندىق سوتى بلوگەر ەلەنا بلينوۆسكايانى اسا ٸرٸ كٶلەمدە سالىق تٶلەۋدەن جالتارۋ جەنە زاڭسىز جولمەن الىنعان قارجىنى زاڭداستىرۋ ٸسٸ بويىنشا بەس جىلعا جالپى رەجيمدەگٸ كولونيياعا قاماۋعا ٷكٸم شىعاردى. بۇل تۋرالى تاسس تٸلشٸسٸ سوت زالىنان مەلٸم ەتتٸ, دەپ حابارلايدى Dalanews.kz.
"قىلمىستاردىڭ جيىنتىعىن ەسكەرە وتىرىپ, تٷپكٸلٸكتٸ جازا رەتٸندە بەس جىلعا باس بوستاندىعىنان ايىرۋ بەلگٸلەنسٸن", – دەپ مەلٸمدەدٸ سۋديا.
الايدا سالىق تٶلەۋدەن جالتارۋ بويىنشا كەيبٸر ايىپتار ەسكٸرۋ مەرزٸمٸنٸڭ اياقتالۋىنا بايلانىستى الىنىپ تاستالدى.
"بلينوۆسكايا قىلمىستىق كودەكستٸڭ 198-بابى, 2-بٶلٸگٸ بويىنشا ەكٸ ەپيزود بويىنشا قىلمىستىق جاۋاپكەرشٸلٸكتەن بوساتىلادى", – دەپ قوستى سۋديا.
ايىپتاۋشى تاراپ سوتتان بلينوۆسكاياعا التى جىل تٷرمە جازاسىن تاعايىنداۋدى سۇرادى. سونىمەن قاتار وعان قوسىمشا جازا رەتٸندە 1,5 ميلليون رۋبل ايىپپۇل سالىپ, ازاماتتىق تالاپتى تولىق قاناعاتتاندىرۋدى جەنە بەس جىل بويى كوممەرتسييالىق قىزمەتپەن اينالىسۋىنا تىيىم سالۋدى تالاپ ەتتٸ.
سوت بارىسىندا بلينوۆسكايا ٶزٸنە تاعىلعان ايىپتاردى تولىق مويىنداپ, سالىق بەرەشەگٸ مەن زاڭسىز قارجى اينالىمىنا قاتىسى بارىن راستادى. ونىڭ ايتۋىنشا, سالىق مەسەلەسٸمەن الدىمەن كٷيەۋٸنٸڭ تانىستارى, كەيٸننەن ونىڭ قۇربىسى ليلييا ورلەنكو اينالىسقان.
بلوگەرگە قاتىستى سوت پروتسەسٸ 2024 جىلدىڭ تامىز ايىنىڭ سوڭىندا باستالعان. تەرگەۋ بارىسىندا ورلەنكو, بلينوۆسكايانىڭ ترەنينگتەرٸنٸڭ كۋراتورلارى مەن وعان تيەسٸلٸ كومپانييالاردىڭ باسشىلارى جاۋاپقا تارتىلعان. تەرگەۋ مەلٸمەتٸنشە, بلينوۆسكايا 2019-2021 جىلدار ارالىعىندا بيزنەسٸن جاساندى تٷردە بٸرنەشە بٶلٸككە بٶلٸپ, 900 ميلليون رۋبلدەن استام سالىقتان جالتارعان. ول 2023 جىلدىڭ سەۋٸرٸندە رەسەيدەن شىعۋعا تالپىنعان كەزدە ۇستالعان.
