سالاۋاتتى ءومىر سالتى ءبىزدىڭ ءومىرىمىزدىڭ اجىراماس بولىگى بولىپ تابىلادى. ول بىزگە فيزيكالىق جانە پسيحيكالىق سالاۋاتتىلىقتى ساقتاۋعا كومەكتەسەدى، ماقساتتارىمىزعا جەتۋ ءۇشىن كۇش پەن قۋات بەرەدى.

بارلىق جاستاعى ادامداردىڭ سالاۋاتتى ءومىر ءسۇرۋىن قامتاماسىز ەتۋ جانە ءال-اۋقاتىن ارتتىرۋ وركەندەگەن قوعامدى قۇرۋ ءۇشىن ماڭىزدى. ءال-فارابي اتىنداعى قازۇۋ زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسى «ادىلەت» ستۋدەنتتىك عىلىمي كلۋبىمەن بىرىگە وتىرىپ، اتالعان SDGء-دىڭ 3 ماقساتىن «جاقسى دەنساۋلىق جانە ءال-اۋقات» جۇزەگە اسىرۋ اياسىندا ەسىك كولىنە تابيعاتقا ساياحات ۇيىمداستىردى. ءىس-شارانىڭ ماقساتى – قورشاعان ورتىنى ءتانىپ-بىلۋ، تابيعي رەسۋرستارعا قامقورلىق جاساۋ جانە بەلسەندى دەمالىس وتكىزۋ ارقىلى ستۋدەنتتەر اراسىنداعى قارىم-قاتىناستى نىعايتۋ.

ەسىك – ەرەكشە اسەم تابيعاتپەن، قالىڭ ورماندارمەن جانە كەڭ گۇلدى القاپتارمەن قورشالعان كوركەم، بيىك تاۋلى كول. كول تەڭىز دەڭگەيىنەن 1760 مەتر بيىكتىكتە، ىلە الاتاۋىنىڭ ەسىك شاتقالىندا، الماتىدان شىعىسقا قاراي شامامەن 70 كم جەردە ورنالاسقان.

ستۋدەنتتىڭ ءومىرى تەك وقۋمەن عانا شەكتەلمەيدى. بۇل سونداي-اق قىزىقتى، جارقىن جانە وقيعالارعا تولى كەزەڭ. وسى تاڭعاجايىپ ءومىردىڭ ءاربىر ساتىنەن ءلاززات الۋ ماڭىزدى، ويتكەنى ستۋدەنتتىك جىلدار – ءومىر بويى بىزبەن بىرگە قالاتىن قۇندى تاجىريبە جانە قىمبات ەستەلىكتەر.

 

زاڭ فاكۋلتەتىنىڭ 1-كۋرس ماگيسترانتى ا.س.قوبلاندينا

جەتەكشىلەرى: ز.ع.ك.، پروفەسسور-گ.م. اتاحانوۆا

ز.ع.ك.، دوسەنت-م.ق. بيسەنوۆا