بۇرىنعى ديپلومات ساكەن ماماش ىسىنە قاتىستى جاڭا دەرەكتەر بەلگىلى بولدى، – دەپ حابارلايدى Dalanews.kz.
KursivMedia مالىمەتىنشە، قازاقستاننىڭ بىرىككەن اراب امىرلىكتەرىندەگى ەلشىسىنىڭ كەڭەسشىسى بولعان ساكەن ماماشقا قاتىستى سوتالدى تەرگەۋ اياقتالعان. بۇل تۋرالى استانا قالاسى پوليسيا دەپارتامەنتى حابارلاعان.
"ساكەن ماماشقا قاتىستى سوتالدى تەرگەپ-تەكسەرۋ اياقتالدى جانە قىلمىستىق ءىس بويىنشا قابىلدانعان پروسەستىك شەشىمنىڭ زاڭدىلىعىن تەكسەرۋ ءۇشىن پروكۋراتۋراعا جولداندى"، – دەپ جازىلعان اقپاراتتا.
ايتا كەتەيىك، سوتالدى تەرگەۋدى استانانىڭ ەسىل اۋدانى پوليسيا باسقارماسى قىلمىستىق كودەكستىڭ 110-بابى (قيناۋ) بويىنشا جۇرگىزگەن.
ءمان-جاي
بۇل ءىس جۇرتشىلىقتىڭ نازارىن اۋداردى، ويتكەنى ساكەن ماماش - قازاقستاننىڭ ديپلوماتيالىق قىزمەتىنە قاتىسى بار تۇلعا.
2024 جىلعى مامىردا كارينا گوسمان (بۇرىن ماماش) سول كەزدە ءباا-دەگى قازاقستان ەلشىلىگىندە قىزمەت ەتكەن جۇبايى تاراپىنان زورلىق-زومبىلىق جاسالعانىن مالىمدەدى.
ال جۋىردا ايەلىن ۇردى دەگەن ايىپپەن بۇرىنعى ديپلومات ساكەن ماماش استانادا قاماۋعا الىندى.
